古今

营业中

休息中

餐厅：古今地点：铜锣湾澳门逸园中心菜式：日式居酒屋餐牌：主打特色创意卷物，好多都改左个特别嘅名。主餐牌有前菜沙律，刺身，寿司，多款特色卷物，烧物，串烧，锅物，天妇罗，小食炸物，饭面类，清酒同饮品。落单用QR code。今日叫左金龙卷同富士山。两款卷物一齐上枱，用一只圆碟放得靓靓。仲加左食用花装饰，伴碟有沙律菜，日式芥末同酸姜片。金龙卷 $105 另加一呢个金龙卷真系必食，每次食都无失望。金龙卷一客八件，今次分开两条细龙。饭卷上面舖上新鲜肥美嘅三文鱼，加少少香辣沙律酱。饭卷中间卷住紫菜，再包住炸虾同忌廉芝士，食落又脆口又滑溜，连炸虾尾都食得。饭加上黑白芝麻粒增添香味。我好钟意呢款卷物既多重口感同味道。富士山 $98 另加一第一次食呢款富士山，系一客8件寿司饭卷包住紫菜，牛油果同鳗鱼，面头系满满加左大量酱汁既蟹柳丝，少少蟹籽同脆片碎，再加上特制酱汁。饭卷一样加入黑白芝麻粒。呢个卷物食落系滑溜牛油果同弹牙鳗鱼，再加上惹味蟹柳丝，口感味道复杂过瘾。埼玉网烧牛舌 $78 另加一琦玉网烧牛舌一客4大件，热辣辣上枱，有返相当厚度。咬落去完全唔韧，口感弹牙，味道够咸，伴有椰菜丝沙律可解腻同减咸度。另外