影片
更多
2008-12-04
38 浏览
下午茶时间行过花园街，经过呢间我哋未帮衬过嘅面舖，佢个样有啲旧，门口有好多种类嘅面卖，兼好多人买面番屋企话用嚟打边炉，唔通真系好正？就决定即刻入去食个下午茶嘞！以为佢系卖云吞面之类嘅，原来越南嘢先系主力！店入面都唔少食客，一贯嘅面舖格局，地下都几污糟，啲嘢亦放得乱七八糟。求其搭枱揾咗两个位，一望餐牌，哗！咩嚟架？咁乱嘅，睇咗一阵先明佢写乜，都系唔翻来覆去研究嘞，是旦见佢墙上写啲咩推介就谂𠮶啲啦！我哋叫咗： 鲜茄牛腩波菜面：见佢将呢个面挂喺最前排，字体亦大大只，稳阵啲就要呢个嘞！个面一上枱只系见到一片红色杰挞挞，全部系新鲜蕃茄。菠菜面好幼亦够爽滑但系唔弹牙，有啲似喺超市买过嘅台湾出口面，牛腩都算炆得淋，应该净食会好味啲！成碗面嘅味道配搭得十分古怪，蕃茄味太浓太呛，冚晒啲牛腩应该有嘅味道，一啲都唔夹！ 泡菜酸辣芝麻面加韮菜饺：又系大大只字推介嘅面，芝麻面质感一般，一啲都食唔出芝麻味，同普通嘅幼面差不多，泡菜浸咗汤之后又系好古怪，唔知点形容，总之干身好食好多啦！韮菜饺多菜少肉，味道就唔错！成碗面嘅味道虽然都系怪怪地，但总好过碗蕃茄面！ 秘制炸猪扒：啱啱炸起都算几好味，肉质松软兼有肉汁唔会
下午茶时间行过花园街，经过呢间我哋未帮衬过嘅面舖，佢个样有啲旧，门口有好多种类嘅面卖，兼好多人买面番屋企话用嚟打边炉，唔通真系好正？就决定即刻入去食个下午茶嘞！以为佢系卖云吞面之类嘅，原来越南嘢先系主力！店入面都唔少食客，一贯嘅面舖格局，地下都几污糟，啲嘢亦放得乱七八糟。求其搭枱揾咗两个位，一望餐牌，哗！咩嚟架？咁乱嘅，睇咗一阵先明佢写乜，都系唔翻来覆去研究嘞，是旦见佢墙上写啲咩推介就谂𠮶啲啦！我哋叫咗：
鲜茄牛腩波菜面：见佢将呢个面挂喺最前排，字体亦大大只，稳阵啲就要呢个嘞！个面一上枱只系见到一片红色杰挞挞，全部系新鲜蕃茄。菠菜面好幼亦够爽滑但系唔弹牙，有啲似喺超市买过嘅台湾出口面，牛腩都算炆得淋，应该净食会好味啲！成碗面嘅味道配搭得十分古怪，蕃茄味太浓太呛，冚晒啲牛腩应该有嘅味道，一啲都唔夹！
泡菜酸辣芝麻面加韮菜饺：又系大大只字推介嘅面，芝麻面质感一般，一啲都食唔出芝麻味，同普通嘅幼面差不多，泡菜浸咗汤之后又系好古怪，唔知点形容，总之干身好食好多啦！韮菜饺多菜少肉，味道就唔错！成碗面嘅味道虽然都系怪怪地，但总好过碗蕃茄面！
秘制炸猪扒：啱啱炸起都算几好味，肉质松软兼有肉汁唔会干挣挣，可以一食！
炸椰菜饺：真系未食过椰菜饺所以叫个嚟试吓！椰菜馅应该系包之前已经炒过，有淡淡油香，馅料都几充实，点豆板酱好惹味，成餐最好食系佢嘞！
冻鸳鸯：出呼意料之外嘅香浓，心理上补偿咗之前食到嘅怪嘢！
食完都唔觉得系越南菜㖞，又有泡菜，又有牛腩，真系古怪！
张贴
