影片
更多
2018-08-06
17368 浏览
由日落食到夜深，足足叹足三个钟嘅自助晚餐，一边欣赏维港嘅景色。 沙律吧每一款都好味，特别系羽衣甘蓝杂莓沙律。 巴马火腿，辣肉肠一般， 牛好食， 芝士质地软滑。 虾、龙虾、蟹钳唔太新鲜， 鳕场蟹新鲜鲜味。 面包蟹极邪恶，好多膏。 鱼生中嘅吞拿鱼好鲜味，其他都一般。 烧牛肉好靭， 鲷鱼啲肉好鞋。蒸虾比生虾好食，但系蒸扇贝同埋蒸青口都过咗火，老咗。鹅肝菠萝多士必食，鹅肝煎到脆口，菠萝酸酸地，多士又脆脆哋，绝配。鱼都几滑 海鲜批忌廉味浓厚， 但冇盖过海鲜嘅味道。牛脸颊必试， 佢蚊得唔系全旧腍唒，仲有少少咬口，而且非常入味 。海皇燕窝羹一推出就俾人攞晒。燕窝蟹膏充足， 好鲜味。洋葱汤唔会淡。鹿儿岛牛好多筋，天妇罗太多脆浆。鲍鱼烩猪手冇味，食唔到鲍鱼甜品款式多到泻，但唔系款款好食，有好多都太甜。甜品之王我觉得只有拿破仑系最好味，够脆， 又唔膻，好香酥皮味，不过佢入面𠮶啲cream就甜D，成旧食都可以接受嘅。左: 咖啡芭芙条 (我本身唔系好钟意饮咖啡) 呢个咖啡味我接受到啰， cream又唔会太多右: 红桑子蛋糕唔会酸又唔会太甜蓝莓芝士蛋糕 芝士软滑香浓芒果糯米饭都唔错， 啲饭好烟韧， 芒果又唔会
由日落食到夜深，足足叹足三个钟嘅自助晚餐，一边欣赏维港嘅景色。
沙律吧每一款都好味，特别系羽衣甘蓝杂莓沙律。
巴马火腿，辣肉肠一般， 牛好食， 芝士质地软滑。
虾、龙虾、蟹钳唔太新鲜， 鳕场蟹新鲜鲜味。
面包蟹极邪恶，好多膏。
鱼生中嘅吞拿鱼好鲜味，其他都一般。
烧牛肉好靭， 鲷鱼啲肉好鞋。
蒸虾比生虾好食，但系蒸扇贝同埋蒸青口都过咗火，老咗。鹅肝菠萝多士必食，鹅肝煎到脆口，菠萝酸酸地，多士又脆脆哋，绝配。
鱼都几滑
海鲜批忌廉味浓厚， 但冇盖过海鲜嘅味道。牛脸颊必试， 佢蚊得唔系全旧腍唒，仲有少少咬口，而且非常入味 。
海皇燕窝羹一推出就俾人攞晒。燕窝蟹膏充足， 好鲜味。
洋葱汤唔会淡。
鹿儿岛牛好多筋，天妇罗太多脆浆。
鲍鱼烩猪手冇味，食唔到鲍鱼
甜品款式多到泻，但唔系款款好食，有好多都太甜。
甜品之王我觉得只有拿破仑系最好味，够脆， 又唔膻，好香酥皮味，不过佢入面𠮶啲cream就甜D，成旧食都可以接受嘅。
左: 咖啡芭芙条 (我本身唔系好钟意饮咖啡) 呢个咖啡味我接受到啰， cream又唔会太多右: 红桑子蛋糕唔会酸又唔会太甜
蓝莓芝士蛋糕 芝士软滑香浓
芒果糯米饭都唔错， 啲饭好烟韧， 芒果又唔会太酸甜甜地加啲椰汁 好香。 
又一次俾我发现个班戟摆放于低过攞甜品嘅地方，今次我醒目咗喇! 我整咗一份加咗一个青柠雪葩，觉得佢有少少苦味，但系清一清个口都几舒服。𠮶班戟好香，蛋味重。
叮叮叮叮， 有个侍应系咁敲佢𠮶个琴，就系要排队攞梳乎厘啦! 梳乎厘整得唔错㗎，好空气感同埋好滑，个面㶶㶶哋好香。
张贴
