軟橋米苔目餐廳 (已搬遷) 新店位置

唔知大家有冇睇过一个连登post话，濑粉一定系最古惑既食物，因为夹到埋口都会溜走。(痴女小编：其实感情咪一样，以为会开花结果咩，最后又为何结果不是我想像的，呜呜呜)讲番正题，原来米苔目都系古惑仔既一份子，比佢既兄弟银针款淋啲软啲，都系滑嘟嘟夹唔到，只可用匙羹。当日小编同友人各自叫左碗米苔目，一个乜Q软豆腐，一个拍青瓜。米苔目可以配两个𩠌，我地分别拣左鸭肉，猪润同猪脾肉，而汤底default系猪骨，不过我地加三蚊转方鱼汤。食得出食材都新鲜，汤底都冇乜味精，但就不算好特出，系清淡、饱肚之选。另外Q弹软豆腐系我钟意既口感，好弹牙，似食紧鱼片，但调味只有五味粉，有点儿单调。最后就系拍青瓜，呢个可以唔叫，因为冇乜蒜味，唔够香。平日夜晚六点九左右到店，食左一个钟，发觉店内都冇乜食客，希望老板可以改良下煮法调味，例如提供辣菜脯，然后有更多人会帮衬。总括嚟讲，感觉上呢间小店都系真材实料，值得支持的。