Royal Italian

营业中

休息中

我以为我订咗意大利餐厅去食pizza啦,点知喺地下搭䢂已经有啲重庆大厦feel㖞…大厦环境认真麻麻,有啲惊惊哋!一出lift见到餐厅嘅格局,真系以为去咗重庆森林啲印度餐厅...…好彩已经坐咗几张枱,咁我都放心啲😌餐厅用二维码落单,自己慢慢拣,都几好吖,完全冇压迫感。三个人叫咗三个set lunch,有pizza,长通粉,同埋鸡饭,我哋拣嘅全部都系hot items,每个set仲包一杯饮品,我哋稳稳阵阵叫杯可乐就算啦。唔使等好耐就上菜,唔错㖞,每个set都好好食,我哋开心share,有啲食唔晒㖭。咁究竟呢间餐厅有几古惑呢?就系个侍应同大厨应该系印度人,煮嘅嘢食都充满印度style。好似长通粉辣辣地有啲印度香料嘅辣味。个饭系用咗印度长长尖尖嘅饭,仲有油酥饼跟餐,你话系咪根本系印度set lunch吖。你话系意大利餐厅咩,个pizza又真系好好食,完全冇印度feel㖞,而且size都唔细,性价比高𠮶只,所以你话古惑唔古惑?!🤪以中环嚟讲,呢个价钱真系抵食!仲要系楼上铺,直头系倾密偈嘅好地方👍。