古味坊 (已結業)

平时食开嘅蛋糕都好甜好多cream，食一旧就好饱，而古早味蛋糕就唔同，食材纯天然，而且唔会好腻，比一般蛋糕健康，食多多都唔怕肥！伯爵茶蛋糕，食之前已经闻到一阵阵嘅伯爵茶香味，食落好松软，有好浓嘅伯爵茶味，几好食，唔错！双层芝士蛋糕，蛋糕面铺满椰丝，揿落去会见到蛋糕有回弹力，一切开就见到蛋糕中间有两层芝士，第一口感受到椰丝同椰子嘅香，之后就系充满弹性嘅蛋糕，最后就系冧冧地嘅芝士，蛋糕有蛋香味，芝士就咸咸地，都几夹，正！同埋佢嘅蛋糕系每日即制，食唔晒就要摆落雪柜，不过味道就一定冇咁好，想食嘅就唔好买咁多，食完一个先买第二个。