老厝邊

营业中

休息中

🍴美食云集嘅荃湾，俾老厝边嘅招牌吸引住，三个大圈圈非常之抢眼，入面嘅装修都充满着古早味。座位都算多，有2层。食物同嘢饮嘅种类选择都多，而且价钱亲民。👍🏻🍽️眷村牛肉面有3块厚切嘅卤牛肉，牛肉卤得入味咬落唔会太韧，面质偏滑，挂汤力尚可，汤底咸度适中，饮落好似有少少药材味道。😋🍽️炸鸡扒便当鸡扒炸得外脆内嫩，保留到肉质，咬落去鸡肉入边仲会爆汁添😋除咗鸡扒之外，仲瓜、豆芽、半只卤蛋，非常之好送饭。🍽️海陆盐酥鸡拼盘除咗盐酥鸡之外，仲有炸鱿鱼、四季豆、鱼板、年糕，个人最钟意食年糕，外面脆脆地，内里就软软糯糯，好有口感。🧋珍珠奶茶 珍珠黑糖鲜奶大大杯嘅珍珠奶茶，好贴心可以拣甜度同冰嘅份量👍🏻珍珠好有咬口，而且份量都多。