古早味休閒台灣 (已結業)

落旺角等埋老公收到都成8点，我已经饿到一个点竟然俾我发现间又平又好食嘅台湾嘢。装修都唔错有台湾小店感觉，menu上有好多唔同嘅台湾小食，但我哋两个实在太肚饿所以叫主食先，来一碗牛肉牛筋面、一个台湾刈包、古早味油饭再加一个五味鸡，再加多杯奶盖咖啡。牛肉牛筋面一到先饮啖汤试一试，一饮落去好香牛肉味牛筋好胶质但又唔会太淋牛肉都唔错，面质属粗身面够滑又好味，之后又送来一碗古早味油饭，依个饭食起上嚟有D似糯米饭烟烟靭靭又几得意，另个五味鸡其实系属冷盘有五个酱汁俾我拣，样样都试点吓又几好玩，而个台湾刈包个旧厚切五花腩邪恶到爆但又好好味，我叫老公将最肥嘅食洒落我再食无咁肥嘅位，有老公锡实在太幸福而杯奶盖咖啡又做得几好，面嘅奶盖好滑少少咸再将咖啡沟埋一齐嚟饮又滑又香。