古月

营业中

休息中

过开嚟北角揾食，听说呢条北角巷仔有好多好野食，特登拣咗呢间新加坡菜，好似几特别。平日嘅两点嚟到，避开人潮，一入即刻有得食。叫咗个李先生咖喱鸡同鸭卤面。我之前睇menu 时已经想试嘅咖央Roti 同埋三色奶茶。李先生咖喱鸡，咖喱几香，少少辣。辣度刚好，唔会盖咗鸡味。不过鸡翼略嫌煮得太耐，系好入味但太淋。反而薯仔就可以再淋少少。我呢碗饭系少咗，因为我叫少饭。另外仲有鸭卤面。鸭嘅卤水味足，不过就老咗啲。面底份量ok，弹牙的。我几喜欢食咖央，所以散叫都要试下咖央roti。咖央令薄饼面甜甜的，好似食嘅甜饼干。我话佢系饼干，因为佢唔系好多层好松化𠮶啲印度薄饼，只系一两层。最后系三色奶茶。味道虽然同马来西亚饮嘅有啲差别，但系都算系好饮嘅。甜度比例系刚好，我觉得佢有迁就香港人而整得无咁甜。