古朴年代咖啡．酒館 (已結業)

之前已经去过古朴年代咖啡．酒馆，朋友就未去过，咁就同咗佢哋去食。古朴总汇A，有班尼迪克蛋、法兰克福肠、纽伦堡肠、德国牛仔肠、烟火腿、焗豆同薯蓉。我记得之前系薯饼嚟，不过今次系薯蓉，我都系钟意薯饼多啲，唯一庆幸个班尼迪克蛋都几流心，冇咩太大改变。其他配料都正常，不过拎到嚟时已经唔系好热。英伦雪糕窝夫配鲜果，唔明点解明明系甜品都会有沙律跟埋，可能因为呢份系午餐啦。雪糕就拣咗曲奇味，个窝夫食落都几干身同几硬，感觉一般般。我哋另外叫咗几杯饮品，薄荷沙冰、oreo沙冰同芒果沙冰。我哋系一人一杯，oreo沙冰入面有啲oreo饼碎，不过因为都几大杯，最后我哋都饮净咗少少。