西關老祖 (文苑樓)

营业中

休息中

经过渡船街系去买呢间舖头对面𠮶间面包舖嘅，之前试过佢个濑粉套餐，几好味，订埋佢个萝卜糕试下💪🏻呢度冇得直接叫嘢食嘅，系经过部自助点餐机，就会直接出单俾厨房，睇嚟老板都系一个人自己睇铺自己煮，全部都系即叫即煮嘅。嗌左个濑粉加炸烧卖套餐，烧卖唔记得影相，但系好钟意佢𠮶啲XO酱， XO酱入边好多料有瑶柱虾米，食落去好惹味，正!!! 濑粉分量好多，绝对足够两个女仔下午茶咁食。榨菜好入味，沟少少濑粉食都几特别，不过个汤底比较好结身，唔似出边食开嘅汤底咁水。萝卜糕packaging好stylish，全黑嘅bubble wrap，再用瓷器盆装住。返到屋企煎晒成底都够四个人食。以前自己食开萝卜糕会点甜酱辣酱或者XO酱，但系本身呢个萝卜糕已经好够味，调晒味先再去蒸，所以咩酱都唔使。煎到两边香香地，好惹味，而且见到好足料，有冬菇瑶柱腊肠肉粒，对于一间one man band嘅舖头，都有咁样嘅质素，绝对值得佩服。同老细倾开先知原来葵芳广场都有一间分店，下次去扫街又可以试吓其他嘢啦。