金子半之助 (利東街)

营业中

休息中

今晚同朋友系湾仔逛街，系利东街附近见到呢间天妇罗丼饭店，叫左江戸前天丼，同上天丼，江户前天丼有招牌穴子天妇罗，长达30cm超大件！而且肥美肉厚，口感软滑，必食之选。同碗仲有炸虾2只，小柱鱿鱼天妇饼，温泉蛋，海苔，菀豆，炸温泉蛋系可以流心个种，夹埋佢地古祖秘制酱汁，𩠌饭真系无得顶，而且做法跟足传统，将新鲜炸起的食材放上饭面，然后再均匀淋上天丼酱汁，令每件天妇罗都能沾上适量酱汁。所以天丼的天妇罗并不像一般天妇罗脆口，重现江户时代风味，令食感更加温和，唔似吉列咁会食到个口都损埋。上天丼就配有天妇罗赤甘鲷，大虾2只，温泉蛋，小柱鱿鱼饼，海苔等，赤甘鲷口感柔软，鱼味鲜甜。食到半路，会发现丼碗是空心设计，以为系想比少d 饭，原来运用了源自江户时代的陶瓷工艺，佐贺有田烧来制作，碗底部份特意做成空心，不只是外观卖相，而是有实用性的，以保持食物嘅温度，所以食到最尾d 饭都唔会变冻。整体黎讲座位阔落，价钱合理，想食炸物嘅话一定要黎饱肚一番。