香港鴻興隆中華菜館 (已結業)

爸爸一路都钟情中菜，平时行经过成日见到餐厅里面嘅装修都好古色古香别有一番味道， 难得今日放假就一于带爸爸嚟试下！餐厅内嘅装修富有中国色彩，而且位置尚算阔落舒服~清炒莴笋莴笋肉质脆嫩， 清甜鲜美，营养价值亦高， 系我近期热爱嘅蔬菜之一！呢碟莴笋炒得清脆嫩绿而且调味啱啱好，份量亦唔少👍🏻酸菜鱼汤㡳浓厚而不腻，酸酸辣辣带点鲜，可以直接饮埋，非常开胃！鱼肉肉质嫩滑，虽然有少少刺，但滑得来依然保留鱼肉纹理，唔会糊烂~~蚂蚁上树蚂蚁上树系指做成后，有细小既肉末沾在粉丝上，猪肉粒挂系粉丝上既样就好似蚂蚁爬上树一样，吃落咸、香、辣，又有Q弹既粉丝口感，送饭一流！蘑菇小鸡蘑菇小鸡除左有主角蘑菇同鸡肉外，仲有d类似冬粉既粉条。汁香味浓，蘑菇可以补托出鸡肉既鲜香，鸡肉煮得刚刚好，而粉条滑爽而绵实，整体配搭都好香好好食！