香港鴻興隆中華菜館 (已結業)

之前看見有朋友來吃過所以專程來打卡，但真的很失望😞總體來說非常非常非常非常鹹。適合外國來旅行的朋友，因為菜的種類很多。小炒肉真的是我吃過最不好吃的，沒有辣味只有鹹味。涮毛肚還可以，但不值得來吃一頓。

之前呢間餐廳開的時候已經留意到，果陣同友人講佢呢間應該係正宗川菜來的！今晚終於有機會黎試試！餐廳內裡裝修附有中國特色！餐牌都有很多不同菜式可以選擇！酸菜魚，食川菜好多時都會點酸菜魚食，這裡的酸菜魚可揀辣度，因為朋友唔太吃辣，所以點了小辣！湯底都幾夠酸，辣度就唔算好辣，所以可以令人食哂成份酸菜魚！魚片唔算多骨，口感都幾滑！內裡還有薯粉，彈牙得黎又唔算好硬身，吸味又惹味！幹煸四季豆，四季豆有少少辣，好有川菜風味，用黎送飯最好不過！孜然羊肉，帶有少少辣，羊肉連京蔥一齊炒，好香孜然味，羊肉有少少羶味，味道刺激味蕾！這間餐廳都有很多內地客人光顧，相信味道跟內地的差不多！

在香港能夠找到這麼地道的大陸菜館，首先看看吃了什麼。。。水煮肥牛，看圖片就知道啦，滿滿的都是辣椒🌶️，肉也很多，很有味，適合作為主菜，簡直是色香味俱全。。。酸菜魚，很喜歡這個菜，魚湯濃厚，魚肉爽滑，當然也會有少少魚骨，酸菜與魚湯的結合，讓這道菜充滿交織的味道，最後配上綠綠的香菜，是很美味的，湯也很好喝，酸菜也不錯。。。小炒王，聽名字就知道啦，又是一道開胃的下飯菜，青椒清脆爽口，肉絲嫩嫩的，就這道菜我都多吃了一些飯。。。最後總結好吃不貴，服務態度也是很好的！

呢間新開嘅川菜館，見到裝修富有中國特色風味，都幾得意。枱上嘅餐牌都設計特別，枱上面仲有透明玻璃入邊放置着唔同嘅佈置。食川菜最鍾意叫麻婆豆腐，麻婆豆腐份量好多，而且豆腐都幾滑，個汁唔會太辣，辣味尚可接受，而且有麻麻哋辣嘅風味。好香。酸菜魚好大盆，入邊亦都有好多魚，魚都幾香，酸菜味好濃，只有小小辣吊味。而且入邊仲有薯粉，連埋啲湯一齊食唔錯。炒肉絲又係份量好多，最啱就撈飯。肉絲味道甜甜地，如果叫咗辣嘅菜式，呢個就可以中和一下。

係裝修出眾的中菜館 食牛又食魚收工在尖沙咀揾食，這家鴻興隆中華菜館門面搶眼 (樓上還有情趣店)，內部也充滿了中式餐館的特色，原木色和紅色的色調，加上有特色的餐桌餐枱，感覺有特色，也帶幾分奢華感覺。蔥爆肥牛 ($92) Fried Beef with Scallion (HKD92) 一道常見的魯菜，用肥牛片，蔥和大蔥去炒牛肉，整體爆得非常香，不過食得出用料其實不算最頂級，肥牛偏瘦，油脂似乎不夠，味道整體是不錯！牛肉炒飯 ($78) Beef Fried Rice (HKD78) 牛肉炒飯炒得相當不錯，除了炒得乾身爽口，油份也適中，牛肉油份滲出來，再炒飯，香氣四溢，口感也佳。酸菜魚 ($138) Boiled Fish with Pickled Cabbage and Chili (HKD138) 整道菜份量十足，足足比其他菜大了一圈， 盤上滿怖酸菜和魚片，筷子一撈發現辣椒下還有很多不少薯粉；酸酸辣辣的湯底，不算太辣，但依然十分惹味；可惜魚片質素未算太好，較肥，雖然惹味已經混入到魚肉之中，味道也相當不錯。三道菜處理得宜，整體十分出色，不論味道賣相份量均吸引，以上的菜式也令我感受到品牌制作

【軟脆蝦仁】呢個炸衣好特別，口感脆軟同平時嘅炸嘢好唔同入面蝦仁都幾大隻 🍤【蔥爆羊肉】無論係羊肉定係京蔥嘅份量都好多 😋羊肉無咩膻味，肉質幾軟滑好好食！【螞蟻上樹】一個名字好得意嘅經典菜式螞蟻上樹其實係肉碎炒粉絲一點一點係肉碎就係「螞蟻」喇 🐜粉絲微微辣，好惹味～【地三鮮】即係來自地下嘅三種新鮮食材有茄子、青椒同薯仔，顏色好繽紛芡汁剛好，唔會蓋過三鮮嘅味道而且整得唔油【牛肉炒飯】炒飯除咗有牛肉碎，仲有蛋絲蔥花飯粒飽滿有咬口，亦炒得幾香

雖然小妹我唔太食得辣，但係超愛食酸菜魚！！！呢排想食酸菜魚既心癮又起，同朋友行完街，諗梗想食乜既時候就睇到呢間中菜館！！一眼望入去就已經見到富有中國色彩既裝修 佈置感覺古色古香~~而菜單上既價錢亦為合理，令小妹醉心既“酸菜魚”都只係HKd$138！！！但朋友唔食酸菜，反而偏愛水煮菜色，我地見價錢唔貴，所以決定食盡d，一人一份魚鍋！！！之後店員推介我地試下佢地既小菜，我地見魚鍋已經係辣，所以就要左一客唔辣既“蔥爆羊肉”HKd$108~~羊肉先到，未食經已傳來羊香=）炒得惹味而不覺油膩，鑊氣火侯皆十足！！難怪店員會推薦我地一試他家既小炒菜式=]之後兩大鍋魚片都冒住煙咁送到上檯啦♥♥♥鍋中有唔少魚片，當中仲有少許魚頭同魚腩既部份，十分足料！酸菜魚既酸又辣，魚肉嫩滑，的確令人食得過癮✔✔而口感煙韌既薯粉吸入酸酸辣辣既湯汁之後，刺激度倍增，令人吃得欲罷不能xpp朋友話佢既水煮魚都同樣足料，麻辣又滋味！我地一人一大鍋魚，唔洗問都估到我地有幾滿足啦~~~

店鋪無論擺設或菜單設計都非常具中國特色是夜點了招牌菜酸菜魚清炒蝦仁及葱爆羊肉酸菜魚用上鯇魚魚肉份量不少雖說是鯇魚但非常新鮮及肉質嫩滑間中夾有細骨吃的時候要當心湯頭濃郁夾雜著酸菜泡椒及水晶粉辣度輕微味道惹味值得一試清炒蝦仁用上小河蝦口感爽脆味道鮮甜葱爆羊肉也有水凖是白飯的好夥伴羊肉沒有騒味件頭也不會碎濕濕伴隨葱絲一起吃非常惹味很下飯餐牌上還有很多其他菜式都很想試奈何肚子不掙氣已沒有位置了下次一定再來試試其他招牌菜

今日出尖沙咀覓食，見到有間新開中華菜館。難得老公肯陪我食川菜，梗係唔好放過呢個機會～門面已經滲透滿滿中華氣色，入內就更驚喜，場內擺設丶裝飾丶枱櫈同餐具餐牌都有濃厚的中國風我地揀咗兩樣招牌菜同一個炒飯，水煮肥牛丶宮廷小炒肉和肉鮑螺炒。先嚟水煮肥牛，好大一鍋，紅通通的一鍋～下筷撈起除有辣椒乾丶還有肥牛丶紅薯粉丶娃娃菜丶大豆芽。肥牛肥瘦均勻，火喉啱啱好，又嫩又腍，紅薯粉配麻辣更是絕配，還有大豆芽同娃娃菜消消辣，好食惹味，跟住就係第二味招牌菜出場，宮廷小炒肉，即尖椒炒肉片，尖椒不會過辣，豬肉片又厚身又嫩滑，下飯一流～前兩味菜咁惹味，梗要叫個飯佐食，揀咗個特別的炒飯，叫肉鮑螺炒，用鮑魚肉和螺片炒的炒飯，炒到一粒飯一粒米，可見廚師工架了得，不用伴餸也很好味呢間菜館除味道出色外，裝潢也好有特色，賞心悅目，而且好易搵~仲有午餐提供添

同朋友行街經過見到呢間中菜館幾別緻～我哋又好耐無食正宗嘅中式菜喎～所以就入咗去食喇～入面裝修得好中國古代風～每一張枱都有一啲小心思～放咗一啲有關中國嘅擺設，再用一層玻璃隔住供人欣賞～Menu裏有好多食物都想叫～當晚特別肚餓，我哋2個人決定叫三個餸～酸菜魚好大碗～好多魚～酸菜酸度適中好味～又令鯇魚鮮味更出更好味～魚肉林得嚟又唔會一夾即散～最底仲有我最愛嘅紅薯粉襯托～變咗一碗大大碗嘅酸菜魚紅薯粉～讚啊～滑蛋炒蝦仁好夠鑊氣～蝦仁大隻又彈牙～蛋確係好滑，要叫碗白飯嚟餸呀～原本係點招牌菜草捆牛骨可惜當晚無材料，所以暫停供應～最後我哋決定咗水煮肥牛亦都係好大碗～好香麻椒味～同牛肉好夾，好好味～底下亦有紅薯粉，係另一種唔同口味～紅薯粉吸咗麻椒湯嘅精華同香味，非常好味～酸菜魚同水煮肥牛都非常大碗～我哋覺得好味又唔想嘥嘢～慢慢食食吓，我哋都K.O.到，但飽到上心口～建議大家叫咗呢樣就唔洗叫白飯喇～整體嚟講係幾好味架～下次要再嚟食返佢個草捆牛骨～

相信途人經過香港鴻興隆中華菜館，很難不被它的古色古香的風格吸引。菜館裡頭每一個角落盡是精美的飾品，字畫和娃娃，我超喜歡每張桌子的佈置，令人大飽眼福，看到美美的東西，吃飯也特別愉快。酸菜魚鋪得滿滿的酸菜，色香味俱全，湯頭酸味很重，酸香開胃，魚肉嫩滑無比，骨刺不多，沒胃口的人來上一盤酸菜魚保證食慾大增。酸菜魚裡頭晶瑩的薯粉吸飽湯汁，彈牙入味，讓人一口接一口吃過不停。水煮肥牛紅通通的辣油浸泡著軟嫩的肥牛，剛上桌時香氣撲鼻，辣度剛好，頗有我心中念念不忘的味道。牛肉底下的娃娃菜和豆芽爽爽辣辣，不錯的吃。宮廷小炒肉油油亮亮卻不膩口，肉片口感彈脆，有點緊實但不老韌，相當出眾。小炒肉鹹香惹味，鍋氣十足，最好搭配一碗白飯品嚐，保證下飯。

是夜來到這間充滿中國風的餐廳吃小炒，裝潢蠻有特式的。位置在尖沙咀地鐵站附近，十分方便，所以除了本地客也有不少遊客到訪呢。點了幾款小菜，先來了蔥爆羊肉～帶點油脂的羊肉嫩而且很多蔥，不會太重羊騷味，很好下飯地三鮮即茄子、薯仔和青椒烹炒而成，鑊氣十足，茄子入味又好吃，非常惹味的一道小菜軟脆蝦仁份量也不少，外層口感帶軟，不會很油膩，內裡的蝦仁很脆口螞蟻上樹就是肉碎粉絲，名字就是因為肉粒掛在絲絲上看起來很像螞蟻爬上樹的樣子，味道帶點微辣，炒得乾身爽口最後吃個玉鮑螺炒飯，米飯炒得粒粒分明，滿足的一餐～

落大雨關係，想提早食晚飯便回家休息，隨便入了一間充滿濃濃中國風的餐廳吃飯，仔細觀察餐廳的裝修都好有心思細膩，應該投資了不少資金去打造，連每一張飯枱都有一塊透明玻璃，而底下是用了很多小飾物裝飾而成的，好似藝術品咁，喜歡中國風的朋友，應該會很喜歡這裡的設計，而且好適合帶一些外國朋友來用餐，感受一下中國風氣息🤗🌟酸菜魚 $138🌟好大的一鍋酸菜魚，裡面還有紅薯粉，酸菜魚的主要靈魂是湯底，酸酸辣辣的，加了酸菜，越飲越開胃🤩鯇魚亦很鮮甜嫩滑，份量十足，三個人份量都夠食🤤🌟鍋包肉 $86🌟第一次食鍋包肉，平時睇內地節目就那睇得多，原來味道很可口，有點似食緊日本吉列雞扒，表面炸至金黃色，但一點也不油膩，口感外酥內嫩，配合糖醋醬汁，味道酸甜醒胃👍🏻😍🌟上湯娃娃菜 $68🌟雖然是上湯，但食落有好香濃的奶油味，每一片娃娃菜都沾滿了奶油味，入味多汁，感覺食完皮膚都變得白滑了😆☺️

呢間位於尖沙咀嘅鴻興隆中華菜館店面唔太起眼，行過好容易過咗都唔知。內裏裝修古色古香，充滿中華風。餐牌嘅小菜類別有好多選擇，亦有水煮菜色例如水煮魚。蔥爆肥牛（$92/例）：京蔥同肥牛係絕配，爆香左之後啲蔥又甜又香，好有北方風味嘅一道小炒，而且價錢比另一道餸菜更加抵。滑蛋炒蝦仁（$138/例）：簡簡單單嘅一味蝦仁炒蛋，加咗蔥花顏色更靚，亦都好送飯。鴻抄手（$58/例）：蝦肉雲吞加上辣椒油，味道辣辣地，好開胃。

放工去左尖沙咀搵朋友食飯，友人提議試下堪富利士道這間「香港鴻興隆中華菜館」，聽說店裡的小炒做得不錯，鑊氣十足，吸引不少外國人幫襯，而且收費又夠街坊，啱曬我這等「月光族」。餐廳設計甚具格調，每個角落都布置得古色古香，牆上的掛畫以中國風為主，甚至連餐具和擺設也極富濃厚的中國色彩，配上一室木製椅桌，裝潢別具氣派。餐牌印刷得非常精美，圖文並茂，項目分門別類，當中包括有：涼拌系列、雞鴨系列、牛羊系列、豬肉系列、海鮮系列、鮮魚系列、蔬菜系列、主食麵點、炒飯點心、鮮美靚湯、酒水飲料等。兩個人吃得不多，就簡單點兩個小菜，再加碟炒飯。糖醋魚片 ($86)魚塊分量十足，一客大約有八、九件，每件大小相若，上檯時傳出陣陣酸香，讓人食慾大增。咬開一試，外層炸漿薄身，內裡肉質非常嫩滑，入口啖啖肉。醬汁稀稠度剛好，緊緊掛在魚塊上，入口酸甜有致，用來拌飯吃一流。滑蛋炒蝦仁 ($138)蝦仁夠大隻又爽囗，而滑蛋就配左少少蔥花嚟炒，入口既香且滑，細嚼下更不失蔥香，非常味美，配上為數不少、新鮮可口的鮮蝦仁吃，啖啖滋味！揚州炒飯 ($78)這個飯炒得唔錯，不但鑊氣十足，而且顆粒分明、乾身不油、軟硬度適中，加上內藏不少鮮爽蝦隻