金牌小龍 (已結業)

牛肉小笼包总共有5件，多汁而且皮都唔算厚，尺寸细少少，一啖一粒岩岩好!生煎包食落同小笼包好似冇咩分别只系煎过，但一样都有咁多汁同埋个底够脆，完全唔同口感!牛肉卷饼呢个真系好健康，因为有大量青瓜丝一齐卷埋，加上牛肉个调味亦都岩岩好，所以食落好fresh同埋健康，完全唔会油!鸡丝粉皮鸡丝量多加埋粉皮够烟韧，麻酱有少少稀不过夹埋都唔会完全冇味，前菜嚟讲清清地都几好!糖醋排骨呢个唔同一般既咕噜肉，因为食到好浓烈既话梅粉味，加埋排骨食感觉都几新鲜!蟹黄瑶柱扒西兰花有好多蟹黄同埋瑶柱丝，食落去调味唔错而且西兰花都有好多件!虾仁蛋炒饭炒饭好湿润而且虾仁大大粒，加埋一齐食清之余唔会太热气。