影片
更多
2016-09-21
4409 浏览
好感动，细佬出黎做左几年工作，终于有能力请家姐去半岛食餐好既。一入到去已经俾呢个茶具布置吸引坐位后既布置，好有旧上海既风味。连筷子座都好有特色餐前小吃 - 琥珀合桃，好甜好脆好香口，之后问职员原来楼下有得买，不过要百五蚊得一小包。片皮鸭 - 一生人中食过最好食既片皮鸭，个皮好脆好香。个海鲜酱好香甜，味道有啲似平时食肠粉用既甜酱。块包皮好薄又唔易穿，唔似出面果啲一系就厚到似棉胎，一系就薄到穿窿。有4款配料，除左平时成日见到既三丝外，仲多咗一款蜜瓜丝，十分清甜爽口。综合呢道菜黎讲，一个字：正！食片皮鸭时有专人系隔离serve我地，食完一块会主动帮我地包第二块，服务一流！剩番既肉同骨职员问我地想点整，我地决定用黎煲汤，个汤十分浓郁好味！红烧豆腐（唔系好记得菜名） - 个豆腐好香好滑，竹笙好爽口，唔错！咕噜虾球（？）（又唔记得菜名）- 我唔食虾，不过佢地话好食。香桃匈牙利鬈毛猪咕噜肉（呢个超记得菜名）- 啲猪肉炸得好香脆但唔会影响左肉既质感，加埋甜酸酱同啲桃既配衬，简直系一流！瑶柱蛋白炒饭（？）- 个饭炒得几香，不过同之前几个𩠌相比下就冇乜特别干清枣皇糕 - 甜得嚟唔会太腻，好香既红枣味，又唔
一入到去已经俾呢个茶具布置吸引
坐位后既布置，好有旧上海既风味。
连筷子座都好有特色
餐前小吃 - 琥珀合桃，好甜好脆好香口，之后问职员原来楼下有得买，不过要百五蚊得一小包。
片皮鸭 - 一生人中食过最好食既片皮鸭，个皮好脆好香。个海鲜酱好香甜，味道有啲似平时食肠粉用既甜酱。块包皮好薄又唔易穿，唔似出面果啲一系就厚到似棉胎，一系就薄到穿窿。有4款配料，除左平时成日见到既三丝外，仲多咗一款蜜瓜丝，十分清甜爽口。综合呢道菜黎讲，一个字：正！食片皮鸭时有专人系隔离serve我地，食完一块会主动帮我地包第二块，服务一流！
剩番既肉同骨职员问我地想点整，我地决定用黎煲汤，个汤十分浓郁好味！
红烧豆腐（唔系好记得菜名） - 个豆腐好香好滑，竹笙好爽口，唔错！
咕噜虾球（？）（又唔记得菜名）- 我唔食虾，不过佢地话好食。
香桃匈牙利鬈毛猪咕噜肉（呢个超记得菜名）- 啲猪肉炸得好香脆但唔会影响左肉既质感，加埋甜酸酱同啲桃既配衬，简直系一流！
瑶柱蛋白炒饭（？）- 个饭炒得几香，不过同之前几个𩠌相比下就冇乜特别
干清枣皇糕 - 甜得嚟唔会太腻，好香既红枣味，又唔黏牙，值得一试！
杏仁茶 - 好香浓又唔太甜，食完发现个有少少蛋白痴系碗底
最尾餐厅送上椰汁糕同姜汁糕，一共有8件，为呢餐画上完美句号。期望下次再嚟嘉麟楼食饭！
张贴
