影片
更多
2021-07-27
3165 浏览
其实香港并唔算有好多北京餐厅，最为人所知就系连锁店XX楼，我都食过唔少次～呢几日我突然间想食官府菜，跟住就上网查下到底香港有冇啲咩京菜小店可以试下～于是今日就嚟咗呢间位于铜锣湾嘅老北京！.老北京由门口到餐厅内嘅装修都系好有传统中国嘅味道，俾人一种感觉好似穿越返去中国古代去品尝当时嘅美酒佳肴咁，所以未坐低、未点餐、未进食之际已经好有feel～.首先来个冷盘：夫妻肺片！一上菜已经闻到一阵麻辣开胃嘅味道，牛肚、牛𦟌都切成丝，配合大葱丝、青瓜丝同埋萝卜丝一齐食，口感非常丰富，再加埋老北京秘制嘅麻辣酱料、芝麻同埋芫荽，成碟夫妻肺片嘅层次更丰富，味道再升华，直头系味之诱惑，忍唔住一啖又一啖，好快就KO咗成碟嘢！.我屋企人好钟意食官府菜，所以我由细到大每逢有咩大日子、庆祝活动个阵，全家人都会去佐敦嘅北京酒楼（已结业）食餐劲嘅～以前北京酒楼嘅大厨推介我哋叫碟和菜戴帽包薄饼食，呢个系北京嘅传统美食～可能受屋企人影响，每次我去试一间新嘅北京餐厅个时，都会叫和菜戴帽同埋薄饼，睇下间餐厅嘅水准，渐渐我将呢样嘢变成我评价间餐厅够唔够正宗嘅标准！.其实和菜戴帽就系一堆肉丝、蔬菜丝、粉丝炒成一碟，最尾铺上一块厚厚嘅
.
老北京由门口到餐厅内嘅装修都系好有传统中国嘅味道，俾人一种感觉好似穿越返去中国古代去品尝当时嘅美酒佳肴咁，所以未坐低、未点餐、未进食之际已经好有feel～
.
首先来个冷盘：夫妻肺片！一上菜已经闻到一阵麻辣开胃嘅味道，牛肚、牛𦟌都切成丝，配合大葱丝、青瓜丝同埋萝卜丝一齐食，口感非常丰富，再加埋老北京秘制嘅麻辣酱料、芝麻同埋芫荽，成碟夫妻肺片嘅层次更丰富，味道再升华，直头系味之诱惑，忍唔住一啖又一啖，好快就KO咗成碟嘢！
夫妻肺片
40 浏览
0 赞好
0 留言
.
我屋企人好钟意食官府菜，所以我由细到大每逢有咩大日子、庆祝活动个阵，全家人都会去佐敦嘅北京酒楼（已结业）食餐劲嘅～以前北京酒楼嘅大厨推介我哋叫碟和菜戴帽包薄饼食，呢个系北京嘅传统美食～可能受屋企人影响，每次我去试一间新嘅北京餐厅个时，都会叫和菜戴帽同埋薄饼，睇下间餐厅嘅水准，渐渐我将呢样嘢变成我评价间餐厅够唔够正宗嘅标准！
.
其实和菜戴帽就系一堆肉丝、蔬菜丝、粉丝炒成一碟，最尾铺上一块厚厚嘅芺蓉蛋，好似顶帽咁样冚住杂菜，和菜戴帽个名就系咁嚟～讲返老北京嘅和菜戴帽，老实讲我唔算太满意。杂菜嘅部分炒得唔系好甘香，而好食嘅和菜戴帽系会食到好重香油味同埋镬气味～不过老北京嘅和菜戴帽就好足料，大大盘！
.
薄饼方面，其实我觉得佢更似包片皮鸭嘅薄饼，但其实包和菜戴帽同埋包片包鸭所用嘅薄饼系唔同，前者系厚厚嘅一大片，并且用烤炉烤到有啲位置焦脆，薄饼表面又有残余嘅面粉咁样～而老北京嘅薄饼太过薄身又细块，而且唔系好烟韧，所以整体嚟讲我觉得还好～
和菜戴帽
102 浏览
0 赞好
0 留言
.
甜品方面我嗌咗拔丝香蕉，呢个系我每次去食京菜必嗌嘅甜品！卖相非常吸引，金黄酥脆嘅香蕉上面有一大块用麦芽糖拉成丝，再用芝麻点缀而成嘅可食用靓靓装饰！香蕉嘅外皮好酥脆，入口一咬真系有咔嚓一声！香蕉肉亦都好热好软，系真正嘅外脆内软！老北京嘅拔丝香蕉唔算过份嘅甜，我觉得系恰到好处，所以食多几嚿都仲未甜到乸喉！十分出色！
拔丝香蕉
144 浏览
1 赞好
0 留言
.
今次去老北京真系满足到连日想食官府菜嘅欲望～等我之后再发掘多啲香港唔同嘅京菜小店先！
张贴
