雲來客棧 (已結業)

系香港大部份餐厅都系西式或日式布置为主，有同事讲开旺角有间餐厅系古代布置，仲有得任著古装衫，太座最钟意呢D玩意，就问左同事餐厅名，带太座黎试下。餐厅地点都易揾，MTR一出行几分钟就到。升降机门一开，就见到全间古代特色的客栈，呢点有惊喜，所有装潢都有传统风味，环境好得！枱凳都同电视古装片相似，升降机旁边仲摆左好多酒壶，睇得出花左好多心思。夹公仔机同间客栈格调就差少少，不过就好受小朋友欢迎，要黎安抚小朋友都唔错。本身都预左系食中式野食，估唔到都有唔同类型野食，除了点心之外，仲有串烧、中式糖水、花冰。太座话样样都想试下，谂好耐净系话一定要试象棋牛奶冻，其他野就交俾我决定。叫野食仲有茶饮，茶壶真系同古代果d好似，仲配埋d细杯，俾客人慢慢品尝。可能当晚太多客，野食就上得慢d。重庆酸辣粉 $28 及 稻庭乌冬 $28本来打算食蒸饭，饱肚d，估唔到7点已经卖晒，就叫左两碗粉食，两碗粉份量都够，一人一碗平平地食都填都肚，酸辣粉对我黎讲就唔够辣，但太座话味道都够，稻庭乌冬食落都好有口感，唔会太淋。瑞士鸡翼 $28 及花雕醉鸡翼 $34两款鸡翼上枱时都闻到好香，瑞士鸡翼够入味，不过食食下就觉得4只唔够喉。