古琴雅苑 (QRE Plaza)

营业中

休息中

同朋友行开湾仔，朋友一直想试呢一间菜馆，主打北京烤鸭·见佢座位宽躺座位又舒适·所以一于一试。烤北京填鸭半只片皮鸭配料十足，有青瓜,京葱,哈蜜瓜,传统京酱,蜂蜜黄梅酱，特别之处，佢哋有［一口酥］，系全只鸭烤得最脆最薄既位置,入口脆卜卜。而配料其实可以免费添加…我添加咗个哈密瓜，因为唔系度度都有呢个配料。片皮鸭每片厚薄均匀，友脆内嫩，有古色味道。饼皮热辣辣，包住片皮鸭同酱料,口感层次有不同变化。蟹粉扒豆苗青绿的豆苗配上时令嘅蟹粉, 蟹粉丝的鲜甜夹埋新鲜的豆苗，口感唔错，但如果个茨汁唔好咁厚会比较好，但总体而言个菜系鲜甜。南翔小笼包喜欢小笼包热辣辣，食落肉质鲜甜，如果小笼包个皮薄啲会更好，但整体口感不俗。银丝卷热辣辣咁上枱，正呀，难得可以食到里便系一条条丝，做法非常传统。高力豆沙香蕉传统手法，很喜欢这个甜品，不会太甜，里边又有豆沙同香蕉，有层次感，而这个甜品作为一餐完美嘅句号，也是颇为不错。最后同朋友饮埋个茶就闪人，overall 这间餐厅食物不俗，个人觉得个中茶比较淡，如果可以再浓d会更好。