發哥粥底海鮮火鍋 (已結業)

身为沙田友，好多朋友都系住沙田，住显径仲特别多，经常嚟呢头附近食嘢，最近见到显径冬菇亭开咗间新食肆，有小菜有火锅，今晚一家攞开嘢过嚟，就决定入去试吓；今晚我地拣咗食粥底火锅，见到有套餐，我地两公婆分别点咗同龙餐虾海蟹餐，先嚟一个炖汤，好清润，每个餐都有安格斯牛肩肉、蛏子、贵妃蚌、黄金蚬、海虾同多宝鱼，不过当晚冇多宝鱼改咗海班，仲有可以拣新鲜鲍鱼或者冰镇鲍鱼，我地两个都要新鲜鲍鱼，上枱嘅时候只鲍鱼又大只仲会郁㗎，粥底一滚我地就先食鲍鱼，真系食得出嘅鲜味，所以我推荐大家嚟到一定要食新鲜鲍鱼牛肩肉好嫩滑，海虾够鲜甜，虽然龙虾同蟹都系半只，但套餐仲有8款食物选择，好多种类，所以一定够食，除咗汽水任饮，每枱都有瓶竹蔗水，经理话系厨房师傅自己每日煲，唔系街货，饮落果然好嘢!下次除咗粥底火锅都可以试吓小菜，呢度三个冬菇亭都系佢地，地方大，坐得好舒服，值得同一大班朋友嚟聚餐!