影片
更多
2014-02-20
7550 浏览
前晚,女友人DC 联络我,话由越南o黎香港结婚o既新娘LPK想约我寻晚(18-2-2014 Tue)出o黎食饭,原本我提议听晚,但佢o地又提议叫埋我男友出o黎,就男友o既话,就要约返寻晚喇.最后都落实寻晚食,而食饭o既当然有新郎CTS同另一个男友人LKH共6人.咁我俾佢o地拣同样o系太子o既呢间同上上拉面小笼包,投票决定后o黎呢间,除o左我同男友返工,其他o既都,我放o左工行后就join佢o地,由于天气突然转冷,我就话先上去凤城,坐低等埋男友,我o地去到都只系6:40pm,都未有客住,我o地坐低洗好o野后,亦商量o左点咩o野,7:00pm左右男友都到o黎,落o左单后,食吓餐前小食先,呢个餐前小食酸度腌得o岩o岩好好,青瓜同萝卜都爽口,令食欲大增.1. $78.00o既蒜蓉炒菠菜呢个大大碟,蒜蓉唔算多,咸淡适中o岩o岩好,亦冇盖过菠菜o既味道.味道: 3.5分2. $205.00o既细乳猪并盘有乳猪,叉烧,大肠同海蜇,乳猪切到大大件,食落,皮脆,厚厚o既肉松软又唔太咸,感觉又唔太肥腻,唔错.味道: 3.5分而大肠呢,口感爽,一丁点o既异味都冇,抵赞.味道: 4分叉烧虽然唔系半肥瘦,但都好
咁我俾佢o地拣同样o系太子o既呢间同上上拉面小笼包,投票决定后o黎呢间,除o左我同男友返工,其他o既都,我放o左工行后就join佢o地,由于天气突然转冷,我就话先上去凤城,坐低等埋男友,我o地去到都只系6:40pm,都未有客住,我o地坐低洗好o野后,亦商量o左点咩o野,7:00pm左右男友都到o黎,落o左单后,食吓餐前小食先,呢个餐前小食酸度腌得o岩o岩好好,青瓜同萝卜都爽口,令食欲大增.
1. $78.00o既蒜蓉炒菠菜
呢个大大碟,蒜蓉唔算多,咸淡适中o岩o岩好,亦冇盖过菠菜o既味道.味道: 3.5分
2. $205.00o既细乳猪并盘
有乳猪,叉烧,大肠同海蜇,乳猪切到大大件,食落,皮脆,厚厚o既肉松软又唔太咸,感觉又唔太肥腻,唔错.味道: 3.5分
而大肠呢,口感爽,一丁点o既异味都冇,抵赞.味道: 4分
叉烧虽然唔系半肥瘦,但都好松软,味道系微甜,都可以.
味道: 4分
最后到海蜇,睇到都冇乜系海蜇头只系海蜇松,但竟然似食海蜇头咁干同’o鞋’,呢个好差.
味道: 0.5分
3. $88.00o既大良炒鲜奶
大家都几期待呢个𩠌,可惜冇鲜奶味,而且炒老o左,唔嫩滑,而内里有啲爽口虾仁,但都系加唔到分.呢个有啲失望.味道: 0.5分
4. $160.00o既锅贴大明虾
o系荃湾干锅居食过两次,呢o度o既窝贴(多士)同样做到外脆内软,虾亦爽,但都几油吓,或者之佢冇用吸油纸吸啦.味道: 4分
5. $140.00o既炸子鸡半只
鸡皮脆,厚厚o既鸡肉仍嫩滑唔o鞋,最好o既就系竟然一啲脂肪都冇,不过我觉得淡o左啲.味道: 4.5分
6. 唔知几钱o既焗莲蓉西米布甸
落单时,女侍应话要一日前预订,所以谂住今次无缘食,但当我o地啲𩠌到齐后,男侍应走o黎问我o地啲𩠌到齐未?我o地答到齐,LKH话重有个布甸.我o地话冇,冇落到.个男侍应就话有,整多o左可以俾我o地.o黎到喇,热腾腾重嗅到好香,男侍应想即刻帮我o地分,我即截住佢,话影o左先,我o地自己分.影好后,由男友分,睇到有好多西米同白莲蓉,之后好笑o既系,女侍应见我男友舀得唔靓,就话佢帮我o地舀,哈哈.
分好食得喇,西米软腍腍,白莲蓉同蛋都唔太甜,最重要系仍食到莲蓉,CTS重话冇糖精,好难得.我o地个个都赞.食完下面o既糖水都仍留有莲蓉香. o衣o家上o黎睇返,原来都有分大,细,我估呢个系$88.00o既细size.
味道: 5分
7. 送o既红豆沙
食完后,女侍应送上呢个红豆沙,o岩o岩食完焗莲蓉西米布甸食呢个,一定会比下去,所以我都饮返啖茶至食.呢个唔太甜,红豆起晒沙,亦食到果皮味,幸好唔太浓.味道: 3.5分
我o地6个人叫o左3碗白饭,我觉得饭就一般,唔算好软熟.
服务:
由于LPK我o地买o左啲o野,而我同DC,男友都多o野,变o左有7张凳都唔够用,于是我问侍应可唔可以俾多张凳我o地?佢都好乐意俾.
上菜速度极快,落完单o野食密密上枱,除o左炸子鸡等o左一阵外,只接近一个钟就食完,估计系呢晚都好多客,而且枱唔多,所以咁快.不过好彩佢o地都唔系咁敢赶客.
环境:唔系好大地方,但都坐得舒适.
价钱:埋单共$946.00,都几贵.
题外话:凤城一向俾我感觉一般唔太好,但自从男友上年同旧同事食过后话好食,我至提议呢间,又真系算唔错㖞
张贴
