金百利餐廳

营业中

休息中

琴日放假，中午时份入咗去香港仔探朋友，撞正午饭时间，朋友建议一齐食lunch。佢介绍呢间位于田湾嘅餐厅，一入到去，地方尚算宽敞，客人都系以附近返工嘅人为主。疫情关系，我哋决定外卖返朋友屋企食。入到黎望一望个餐牌，都系大路嘢，一般茶餐厅会提供嘅食物。包括炒粉面饭，常餐、蒸野等等。望咗一轮之后，决定拣餐牌上嘅印尼炒饭。食物方面，个印尼炒饭系厨房即时炒嘅，加入左咖喱粉，咖喱味浓郁。饭上面有荷包蛋一只，同埋鸡扒一块。块鸡扒尺寸好大，基本上一定够食。然而，美中不足的是块鸡扒雪味好重，相信系未完全融雪前已经落扒炉煎，要扣分。嘢饮方面，要咗个冻柠茶，茶香柠檬味重，非常唔错。成个餐价钱系$49，以今时今日嘅物价来讲，不过不失。