土耳其小城 (萬昌樓) (已結業)

收工系元朗揾餐厅食饭，竟然发现到一间门面内外装修得精致，处处充满土耳其风情，甚至连Menu同纸巾设计得劲有心思。加上灯饰都系土耳其风格彩色吊灯，唔系普通吊灯，餐厅环境加分到爆。加上香港好罕土耳其餐厅。咁咪入去试下味啦。首选牛油烤饼，一入口充满牛油香味之余又唔会太油腻。同埋个饼劲松脆可口加埋餐厅三种酱汁配合，有个种唔同风味。小食选择左松化咖喱角同草原串烧牛肉串。个咖喱角劲松脆，食落chok chok声，而且炸咖喱角一D都无油溢味，咖喱角内涵料劲香辣辣咖喱。唔会过于辣。 加埋烧牛肉串，好大份量，牛肉串好牛肉味好重，唔系加左松化粉咁，而且系松软绵密多汁。主食叫左个咖喱克勒鸡肉炒饭，呢个饭真系好好食👍👍，同普通炒饭分别太大，鸡肉切得劲大粒，同埋加埋咖喱同香料炒埋一齐，个饭唔会因为加左咖喱而太辣，反而入口辣度适中，加上咖喱本身带有浓浓香味配合埋其他香料炒埋一齐，带出一种浓浓中东菜风味出来。我地总选择左土耳其茶。同我地平时饮茶好唔同，茶水唔会太浓令到要加水先可以入口，土耳其茶反而淡淡茶味，令人齿颊留香。