大廚出馬

营业中

休息中

土瓜湾街市熟食区地方虽细，但有多家大牌档，大部份都大件夹扺食。今日同太太去开，食左个早餐。茶餐厅早餐都系A餐B餐，我叫左个鸡扒红肠多士餐，老婆就叫左个叉烧肠。要推介既系佢地既肠粉，肠粉一般都系卷起，靓靓仔仔。佢地就唔系，悭番d工夫，系用个胶铲铲起，所以口感唔系滑一滑，外样有几分似潮洲肠粉，除左一般既葱花同叉烧以外，加入左芽菜，食落又几特别！鸡扒红肠多士餐就一般般，多士唔够脆口，烘得唔够！红肠鸡扒份量多，大大块，食左一日里面要食肉既份量，鸡皮香脆唔肥，反而觉得佢可以细块少少，大肉，加多样配菜好过。奶茶就只属一般，茶味唔够浓！不过价钱就好平，咁既份量，你仲想点？