影片
更多
2022-06-16
186 浏览
呢间餐厅位于中环苏豪区，沿住半山电梯一直上，过左大馆就会见到，入口位都有明显指示，唔会太难揾。从大门入去果一刻已经感觉到餐厅老板用心既设计，客人会收到一块恐龙牌，方便员工辨认带位，即使座位要上一层都唔会造成混乱。加上店入陈设都好用心，有好多隐藏恐龙，等紧野食既时间都可以周围打下卡。座位设计系偏日式简约风，店员会主动拎个箱比我地放袋，十分贴心，唯独是佢地张櫈偏硬，坐得唔算舒服。点都好，呢度全日都限用餐时间90分钟，座位既质素对用餐既感受都没有大影响。讲返野食先, 打头阵既系呢度主打既腐皮寿司。我地今日试左四款, 包括:1. 牛油蒜香赤虾 ($35)赤虾有少许腥味, 好在有牛油搭救，配上甜既腐皮，反而抢左虾既鲜味, 食落主要净系食到腐皮味。2. 炙蟹膏厚烧玉子 ($32)玉子做得够厚(~8mm), 配上蟹膏既香味同沙律酱将甜味平衡左，整体不错。3. 辣味三文鱼 ($33)三文鱼大大粒, 但辣味就唔系好食到, 都系被腐皮既甜味盖过左鲜味，有点可惜。4. 明太子芝士蛋黄三文鱼 ($35)明太子酱没有惊喜，但三文鱼依然新鲜，唔太食到芝士味。对我个人而言, 腐皮寿司有点名过于实, 腐皮既甜味再加上
从大门入去果一刻已经感觉到餐厅老板用心既设计，客人会收到一块恐龙牌，方便员工辨认带位，即使座位要上一层都唔会造成混乱。
加上店入陈设都好用心，有好多隐藏恐龙，等紧野食既时间都可以周围打下卡。座位设计系偏日式简约风，店员会主动拎个箱比我地放袋，十分贴心，唯独是佢地张櫈偏硬，坐得唔算舒服。点都好，呢度全日都限用餐时间90分钟，座位既质素对用餐既感受都没有大影响。
讲返野食先, 打头阵既系呢度主打既腐皮寿司。我地今日试左四款, 包括:
腐皮寿司
2 浏览
0 赞好
0 留言
1. 牛油蒜香赤虾 ($35)
赤虾有少许腥味, 好在有牛油搭救，配上甜既腐皮，反而抢左虾既鲜味, 食落主要净系食到腐皮味。
2. 炙蟹膏厚烧玉子 ($32)
玉子做得够厚(~8mm), 配上蟹膏既香味同沙律酱将甜味平衡左，整体不错。
3. 辣味三文鱼 ($33)
三文鱼大大粒, 但辣味就唔系好食到, 都系被腐皮既甜味盖过左鲜味，有点可惜。
4. 明太子芝士蛋黄三文鱼 ($35)
明太子酱没有惊喜，但三文鱼依然新鲜，唔太食到芝士味。
对我个人而言, 腐皮寿司有点名过于实, 腐皮既甜味再加上醋饭既甜酸味已经足以将我既味蕾打爆, 其余再加既料反而真系变左配角，一方面可以话佢突破左固有寿司以海鲜为主角既框框, 但另一方面都难免觉得心理有点不平衡。
可能对于尝甜既朋友们会较为适合，如果你好似我咁系喜好比较香口咸辣食物既话, 留返资金去食其它食物会较享受。
我地另仲试左以下三道菜式:
1. 特浓芝士鸡肉乌冬 ($128)
特浓芝士鸡肉乌冬
7 浏览
0 赞好
0 留言
芝士酱调得十分浓郁，奶同芝士既比例捉得好好, 保留到芝士咸香既同时都加入左牛奶既幼滑。配上煮过既鸡脾肉，配料真系无得顶。但系份乌冬真系败笔，煮过左龙，完全无晒口感，如果店家可以自家手作或者用上较耐煮既乌冬种类相信效果会好好多。始终呢个价钱我会期望较高。
2. 西雅图肥妹半份 ($74)
西雅图肥妹
10 浏览
0 赞好
0 留言
牛油果蟹柳卷物配上烧三文鱼腩，鱼生片应该系刻意用比较薄既切法，令到烧完之后做到入口即溶既效果。而成个卷物最令人惊艳既系佢个酱，声称系泡菜酱, 但系食落既味道系似泰式甜辣酱加上白醋既感觉，好开胃而且完全升华左牛油果+鱼腩既油香，真系有冲动去问大厨个酱系点整!
3. 蜜糖芥末炸鸡 ($89)
蜜糖芥末炸鸡
32 浏览
1 赞好
0 留言
本身叫黎当前菜食, 但竟比我意外发现左呢份人间美味。炸鸡采用带皮鸡腿肉，切至一口大小，劣得外脆内软，炸浆做到好薄唔会失真, 但依然保留到大量肉汁，火侯捉得非常好。另外酱汁系蜜糖芥末酱，已经预先帮你平均地挂左上鸡肉表面，少许火辣少许酸甜既感觉，绝对令人想追住黎食。
最后当然唔少得甜品:
1. 奶盖白玉乌龙($62)
奶盖白玉乌龙
26 浏览
0 赞好
0 留言
卖相吸引，系其中一款热门菜式，味道都唔差,。茶同奶依旧系好平衡既配搭，面头有一串麻糬波串烧, 真系用火枪烧㶶左，颜色丰富左之余多左一份焦香，再搭上一层饼碎，整个配搭系外观上加左好多分。食用麻糬波时可以沾点奶盖配搭，否则只会食到烧焦的味道。
2. 甜品师今日的心情 ($78)
甜品师今日的心情
13 浏览
0 赞好
0 留言
难得一场黎到, 当然要试下佢既惊喜菜式，今日系火炙绵花糖croffle。除左绵花糖好大粒，食到最后太甜呢个问题之外，都无咩野可以挑剔。Croffle做得香脆, 比起传统waffle多左一种烟韧感，配上绵花糖更加有一种奇妙既化学反应，食到停不了。如果佢既甜味可以加入更多层次，相信又可以变成常设甜品了。
总括一下今次既体验，餐厅及菜式既设计都感受到老细既用心，每一个地方都有花时间去变得与众不同，就连一旧寿同、一旧炸鸡、甚至餐厅既一个角落都唔会放过，用餐体验系充满惊喜的。
为食龙既主菜、寿司无小食、甜品等等做得咁好，但我反而会谂呢个情况不就是正正反映左为食龙不求大众化口味，只求与别不同既特色吗?
可能就系老板呢种求变既心, 先吸引到咁多食客慕名而来。如果你只系想揾好食既食物，可能附近就已经有好多更好既餐厅，但系如果讲到成个食野既体验，为食龙的确做得十分到位，的确系一件艺术品。
张贴
