御八築地 (已結業)

御八筑地系我一年前既时候就食过，咁个阵我真系觉得几好食，份量够多够丰富，食材新鲜等，咁今次就想食多次就约左朋友食。咁一如以往依间铺头本身就好多人食，本身铺头本身就唔大，所以有时就要坐逼d。咁我本身就食左少少野，所以我就唔系食好多，我就叫左个刺身同埋花之恋就算啦。花之恋 ($62，两件)咁依个花之恋上面既蟹籽都多而且都几大旧，入面既沙律酱岩岩好，所以依个食落都几好食，就算我觉得三文鱼麻麻地都好。甜虾刺身，三文鱼刺身，吞拿鱼刺身，带子 ($255)首先先讲好既，甜虾系好食既，够鲜甜。带子只可以讲ok黎形容，好淡，点完wasabi都突出唔到个味。去到三文鱼同吞拿鱼真系灾难，三文鱼食落去个味好怪，个感觉好似摆左好耐变左味一样，而吞拿鱼食落好腥，系去到接受唔到黎形容，同我上次黎食完全系差好远，完全估唔到，食完之后都已经食唔落其他野了，只可以用失望黎形容。