影片
更多
2007-05-04
22 浏览
5.1假期本来谂住同屋企人去北角街市ge北海渔村食辣椒炒蟹同魔鬼鱼，唔知系放假定执咗，竟然无开（睇怕后者居多，公众假期点会休息），于是唯有转移阵地，去咗附近ge胜利食海南鸡饭．第一次去但睇环境已知系”寸”铺～一系未够6点半已经要等位；二系墙上贴咗阿苏同蔡san ge 食评（虽然系试食佢哋间何文田店）～咁仲寸唔起！一行六人等咗5分钟左右有位，坐低即刻叫𩠌（睇环境都系拿拿淋食完要赶你𠮶只）：－去骨海南鸡半只（侍应哥仔话去唔去骨都系一样价钱，咁梗系食得”了lun" d 啦）；－卤水猪脾仔；－咖哩牛腩；－XO酱炒鸡柳带子西兰花；－椒盐炸鲜鱿；－2碗油饭+1碗白饭；－加2杯青柠梳打海南鸡有d失望，话晒系镇店之鸡，滑就够滑（但只限于几旧鸡脾部份，其余都系鸡胸，都几鞋）但就无咩鸡味，酱有甜黑豉油同姜溶，都ok．卤水猪脾仔同炸鱿鱼真系唔错，猪脾味道拍得住泰国街边正宗ge 猪脾仔，皮炆得松化，肉亦好焾，加埋伴碟ge咸酸菜，所以食多几旧都唔觉"Lau"．鲜鱿亦炸得好好味，唔会干争争，加埋D椒盐蒜蓉，辣辣哋好正．咖哩牛腩就怪诞D，个汁杰到好似浆咁，无咩咖哩味，但系牛腩又系炆得好焾．最奇怪ge系呢个咖哩牛腩系
第一次去但睇环境已知系”寸”铺～一系未够6点半已经要等位；二系墙上贴咗阿苏同蔡san ge 食评（虽然系试食佢哋间何文田店）～咁仲寸唔起！
一行六人等咗5分钟左右有位，坐低即刻叫𩠌（睇环境都系拿拿淋食完要赶你𠮶只）：
－去骨海南鸡半只（侍应哥仔话去唔去骨都系一样价钱，咁梗系食得”了lun" d 啦）；
－卤水猪脾仔；
－咖哩牛腩；
－XO酱炒鸡柳带子西兰花；
－椒盐炸鲜鱿；
－2碗油饭+1碗白饭；
－加2杯青柠梳打
海南鸡有d失望，话晒系镇店之鸡，滑就够滑（但只限于几旧鸡脾部份，其余都系鸡胸，都几鞋）但就无咩鸡味，酱有甜黑豉油同姜溶，都ok．
卤水猪脾仔同炸鱿鱼真系唔错，猪脾味道拍得住泰国街边正宗ge 猪脾仔，皮炆得松化，肉亦好焾，加埋伴碟ge咸酸菜，所以食多几旧都唔觉"Lau"．鲜鱿亦炸得好好味，唔会干争争，加埋D椒盐蒜蓉，辣辣哋好正．
咖哩牛腩就怪诞D，个汁杰到好似浆咁，无咩咖哩味，但系牛腩又系炆得好焾．最奇怪ge系呢个咖哩牛腩系放系”小食”个栏，但系份量足够送两大碗白饭．
杯青柠梳打就差咗D，细杯不在讲（有D货不对办，因为阿苏介绍佢哋何文田间分店𠮶杯好大杯ga），仲甜到漏，我要等D冰溶得7788至饮得落口，奉劝各位如要order千万要少甜．
菜真系上得劲快，前后食咗唔够一个钟．所以话呢度真系只宜外卖，不宜堂食啦！
张贴