羊滋味

营业中

休息中

之前搭巴士成日都見到呢間舖，上年冬天買咗啲羊肉餃返去打邊爐，有羊味真係好好食。今年天氣轉涼，就諗起呢一間店舖。咁就索性係尖沙咀過嚟食碗羊肉米線。本來係想嗌米線嘅，但係見到佢落餐嗰度有得點糯米粉，之前未食過就點嚟試吓。另外有好掛住啲羊肉餃，所以跟再追加羊肉湯餃。用砂鍋上keep住個溫度，熱辣辣超正。個羊肉餃水準依然冇變都係咁好食。羊肉份量唔算多，但係勝在有豆腐卜同埋啲百葉、雪耳撐下場。個糯米飯幾得意好似年糕咁煙煙韌韌不過就唔吸湯，襯埋d湯食嘅話就有啲燙口。個湯底飲完之後就有少少口渴，好彩跟餐有杯齋啡走甜，佢杯冰都幾誇張，如果d冰可以細番d就好啦。