海王漁港 (裝修中)

我都好耐冇饮过茶，有啲心挂挂，所以同朋友去饮茶倾计。唔知系咪太耐冇去过饮茶嘅原故，觉得服务同水平都差咗，有些少失望。等左15分钟位，一入去，迫食客只可以用安心出行，唔可以写纸字登记资料。同一般茶楼餐厅做法有异。上菜速度正常，但伙记唔系好收笼同埋碟，令枱面空间不足。添水都比较慢 (时间下昼2点，过左最忙时间)。食物方面，有叉烧米线但系冇叉烧濑粉，唔够正宗，叉烧份量都比较少。试咗黑金流沙包，卖相吸引，食落多好够热，但流出来嘅奶黄，冇乜味，唔知自已食紧咩。其他食物都系普普通通，下次唔会想再嚟。