影片
更多
2016-06-15
866 浏览
约好左几个好姊妹系星期日出黎倾计。星期日约系又一城系有少少冒险架，所以我就挨义气早少少去揾位啦!一早就谂好要食好耐冇食过既Habitu，四点几去到，竟然排头位，我自己都吓亲！排左10分钟岛，有张大长枱ready，但我地想坐耐d，又唔想同人搭枱，就同店员讲我地想坐独立枱。等多左10分钟岛，就坐低岛喇！望下餐牌，咦！有少少变左㖞！加左价，同埋冇左我好想食既双色Nachos⋯有少少失望添T^T不过大部分咖啡都冇咩点变。每人例牌叫左杯咖啡，我今次想简简单单饮杯玫瑰咖啡($50)，两个朋友就分别叫左杯冻「伯爵茶咖啡」($55)同埋Latte Macchiato($42)。大家都有少少饿，但又唔想食太多怕夜d食唔落晚饭，于是就叫左两个Green Bite，一个系「喜马拉雅海盐薯条配香脆杂菜」($68)，另一个系「有机杂菜酱配Pita薄脆拼盘」($98)。唔洗十分钟所有野都黎齐晒喇。个薯条味道非常普通，最搞笑系原来个海盐佢真系另外系柜桶攞樽盐你自己扭落去就算⋯仲有⋯说好的香脆杂菜呢？？个Pita脆片一攞上黎就知中伏Orz佢有三个杂菜酱—一个系野菌酱，感觉同普通沙律酱差唔多；一个系红椒酱，普通；一个系
一早就谂好要食好耐冇食过既Habitu，四点几去到，竟然排头位，我自己都吓亲！排左10分钟岛，有张大长枱ready，但我地想坐耐d，又唔想同人搭枱，就同店员讲我地想坐独立枱。等多左10分钟岛，就坐低岛喇！望下餐牌，咦！有少少变左㖞！加左价，同埋冇左我好想食既双色Nachos⋯有少少失望添T^T不过大部分咖啡都冇咩点变。
每人例牌叫左杯咖啡，我今次想简简单单饮杯玫瑰咖啡($50)，两个朋友就分别叫左杯冻「伯爵茶咖啡」($55)同埋Latte Macchiato($42)。大家都有少少饿，但又唔想食太多怕夜d食唔落晚饭，于是就叫左两个Green Bite，一个系「喜马拉雅海盐薯条配香脆杂菜」($68)，另一个系「有机杂菜酱配Pita薄脆拼盘」($98)。
唔洗十分钟所有野都黎齐晒喇。
个薯条味道非常普通，最搞笑系原来个海盐佢真系另外系柜桶攞樽盐你自己扭落去就算⋯仲有⋯说好的香脆杂菜呢？？
个Pita脆片一攞上黎就知中伏Orz佢有三个杂菜酱—一个系野菌酱，感觉同普通沙律酱差唔多；一个系红椒酱，普通；一个系pesto⋯但明明佢话系茄子pesto黎架㖞，我就唔系好食得出喇⋯至于所谓既拼盘呢其实就系纯粹摆一堆好raw既蔬菜伴碟，再加多块面包咁啰⋯d脆片就非常差！太厚，又唔够脆，同埋份量系非常少⋯比100蚊食碟咁既野，真系会好失望啰T^T
好彩d咖啡都仲保持番水准，不过伴碟块杏仁曲奇好似一早做好左好耐咁，好唔新鲜。
我地一直坐一直倾倾倾倾左两个几钟。期间叫侍应比左杯水我地，佢地都好爽手。虽然之后都系要自己「自助加水」，但坐左咁耐都冇人催我地加单，或者赶我地走，都算系一个倾计既好地方。我地走既时候都接近晚饭时段，但都仲见岛有空枱，仲要冇人排队添。总括而言，小食变得好冇诚意，质素有待提升。可幸既系，咖啡种类同味道都冇变，希望可以keep岛啦！
呢度都不失为一个倾计既好地方，可能下次净系想饮杯咖啡，又或者晚餐时段揾唔岛位既话，就只order d安全野，例如all day breakfast或者fish and chip，都仲可以比多次机会既。
张贴
