影片
更多
2012-05-04
27 浏览
呢间餐厅我地两公婆去过好几次, 环境唔错, 星期一在深圳做完嘢, 特登在上水站落车帮衬. 因为唔知餐厅星期一开唔开, 事前打电话去订枱. 由火车站行去, 话远唔远, 但天气开始热, 去到经已身水身汗. 入到去, 老公点了烧牛肉套餐($108), 我点了法国烧鸡餐, 好似系$58.非常口渴, 然是叫啤酒, 待应话只得小枝装蓝妹, 虽然蓝妹老公一向麻麻, 但又热又口喝, 乜都杀啦.(其实从未问过枝啤酒几钱.)点完菜, 两个人开始商量饭后甜品应该叫梳乎厘定心太软.几分钟后, 待应通知:「啤酒未放雪柜, 你地介唔介意?」吓, 唔冻的啤酒! 你估廿年前大陆咩. 我微弱地抗议:「唔冻点饮呀?」此时坐在柜枱后的男士, 估计是负责人啩, 话:「咁我地现在放雪柜, 你等等啦. 」真系俾你激死, 「你而家至放入雪柜, 到樽啤酒冻, 我地都食完啦.」于是我提议: 「不如我出去七仔买啦, 横掂我地都唔钟意蓝妹嘅.」以为一人行一步,点知负青人竟然唔制, 「唔得㗎, 唔好意思. 」都好离谱啫, 天气已经转热, 你买啤酒返嚟, 但唔放雪柜, 咁同冇有咩分别先, 你冇提供冻啤酒, 系你唔啱, 但你只为自己生意著想,
星期一在深圳做完嘢, 特登在上水站落车帮衬.
因为唔知餐厅星期一开唔开, 事前打电话去订枱.
由火车站行去, 话远唔远, 但天气开始热, 去到经已身水身汗.
入到去, 老公点了烧牛肉套餐($108), 我点了法国烧鸡餐, 好似系$58.
非常口渴, 然是叫啤酒,
待应话只得小枝装蓝妹, 虽然蓝妹老公一向麻麻, 但又热又口喝, 乜都杀啦.
(其实从未问过枝啤酒几钱.)
点完菜, 两个人开始商量饭后甜品应该叫梳乎厘定心太软.
几分钟后, 待应通知:「啤酒未放雪柜, 你地介唔介意?」
吓, 唔冻的啤酒! 你估廿年前大陆咩.
我微弱地抗议:「唔冻点饮呀?」
此时坐在柜枱后的男士, 估计是负责人啩, 话:「咁我地现在放雪柜, 你等等啦. 」
真系俾你激死,
「你而家至放入雪柜, 到樽啤酒冻, 我地都食完啦.」于是我提议: 「不如我出去七仔买啦, 横掂我地都唔钟意蓝妹嘅.」
以为一人行一步,
点知负青人竟然唔制, 「唔得㗎, 唔好意思. 」
都好离谱啫, 天气已经转热, 你买啤酒返嚟, 但唔放雪柜, 咁同冇有咩分别先,
你冇提供冻啤酒, 系你唔啱, 但你只为自己生意著想, 有冇考虑下人客的需要呢?
虽然我都好气顶, 但我一向倾向和平协商, 正想叫佢揾人出去七仔买,
不过老公「拾」一声企起身, 闹佢有冇搞错, 然后走人.
佢份人脾气系唔好, 但谂落俾钱做顾客, 都应该有顾客的立场及原则,
既然你冇心服务我地, 我地唯一可以做的系唔帮衬.
人家做小生意唔易, 我都唔想随便俾喊样人地.
所以都过咗几日至写呢篇食评.
我估应该短期内唔会再去啦.
希望负责人站在客人的角度, 考虑下人地感受.
题外话/补充资料：
声明: 以上全部是我自己的亲身经历.
(以上食记乃用户个人意见 , 并不代表OpenRice之观点。)
张贴