影片
更多
2021-04-12
541 浏览
平时俾朋友话我咩都食，对食物无咩要求，忍唔住要写第一次嘅食评。🤦🏻♀️因为我无谂过自己要写食评，所以无影过相，有唔少都揭开左盖又盖番，然后准备掉...未试过掉咁多嘢食😩到隔左几个钟，都仲谂紧餐饭，所以决定要写一写...今日用熊猫app叫左外卖，分别系：1. 猪手担担面（中辣）1碗2. 口水鸡1份3. 炸排骨1份4. 上汤浸时蔬2份5. 狮子头（例牌）1份6. 豆浆2杯1）猪手担担面（中辣）：正如标题所写，只有担担面可以接受，汤系1碗，而面同猪手同配料（肉碎同榨菜）系分开另外1个碗放，一开盖碗汤都有闻到香味，汤嘅花生酱味浓，辣味都系附合我所想要嘅中辣程度，面食得外卖嘅话都预左会痴埋变一饼嘢，所以我唔会话啲咩，而个面质系可以接受嘅，仲有少少咬口，唔会话太淋或太硬，猪手有3细旧，味道ok唔好意思，由呢度开始，全部都系劣评...2）口水鸡：太辣太辣，我自问都叫食得辣嘅人，但系佢嘅辣味比起𠮶碗中辣嘅担担面系辣多好多倍，食左2-3件鸡，已经饮晒啲豆浆，但系豆浆太甜，甜到喉咙唔舒服，用左好多时间先食得完，啲鸡肉系入味嘅，不过咸得济，辣得济，食得好辛苦，同埋肉质有啲梅3）炸排骨：可能系因为外卖啦，唔脆
今日用熊猫app叫左外卖，分别系：
1. 猪手担担面（中辣）1碗
2. 口水鸡1份
3. 炸排骨1份
4. 上汤浸时蔬2份
5. 狮子头（例牌）1份
6. 豆浆2杯
1）猪手担担面（中辣）：正如标题所写，只有担担面可以接受，汤系1碗，而面同猪手同配料（肉碎同榨菜）系分开另外1个碗放，一开盖碗汤都有闻到香味，汤嘅花生酱味浓，辣味都系附合我所想要嘅中辣程度，面食得外卖嘅话都预左会痴埋变一饼嘢，所以我唔会话啲咩，而个面质系可以接受嘅，仲有少少咬口，唔会话太淋或太硬，猪手有3细旧，味道ok
唔好意思，由呢度开始，全部都系劣评...
2）口水鸡：太辣太辣，我自问都叫食得辣嘅人，但系佢嘅辣味比起𠮶碗中辣嘅担担面系辣多好多倍，食左2-3件鸡，已经饮晒啲豆浆，但系豆浆太甜，甜到喉咙唔舒服，用左好多时间先食得完，啲鸡肉系入味嘅，不过咸得济，辣得济，食得好辛苦，同埋肉质有啲梅
3）炸排骨：可能系因为外卖啦，唔脆，淋嘅，入口好似湿左水嘅炸面粉，啲肉淋得济，啲肉都系好咸，同埋好油，油味都有啲臭，佢除左肉会炸之外，连肥油都有炸，食左1旧成旧都系肥嘅，啲油咇出嚟都系臭嘅油味，成碟食左1/3就掉左
4）上汤浸时蔬：因为叫左唔少肉，所以决定叫2个菜，点知打开第1碗，就见到劲大只乌蝇喺个菜上面，同啲菜一齐浸住汤，所以即刻盖番，心谂算啦...仲有第2碗可以食嘅，一打开...点解呀...又有蚊喺碗菜度浸住啲汤...无菜食...掉晒...味道无试啦，菜系小棠菜，睇起嚟份量系多嘅
5）狮子头（例牌）：一开盖就好大阵完全唔讨好嘅臭肉味，有2个拳头咁大嘅肉球，表面极干同硬，啡黑色，都系试一细啖肉，里面啲肉唔干，不过味道唔好味，系怪味，又唔系咸，又唔系甜，最大嘅问题系呢道𩠌嘅臭味，令人食唔到落去，而围住啲肉系「小棠菜」，我真系唔敢再掂啲菜，所以无试到，呢碟试左1啖之后都盖番埋，就无晒臭味，又系掉...
如果真系要食呢间，只会推荐你拣担担面...肉同菜嘅经历都好差...同埋卫生程度...🤷🏻♀️
另外觉得价钱好平，连叫外卖都觉得平，不过唔好味就无用...
张贴