牛舞日本燒肉‧涮涮鍋放題 (利舞臺廣場)

营业中

休息中

牛舞系一间综合多元化嘅餐厅，佢有烧肉、打边炉、日式放题刺身，但系可惜嘅系，虽然佢每样都有，但系每样都系普普通通毫无特色。首先，烧肉𠮶一part系正常发挥，符合期望嘅水平同竞争对手差不多。但系去到边炉𠮶一part，就唔系好得啦，首先佢啲边炉牛肉嘅质素系非常之一般，接近超市买到嘅平价质素，而且佢啲肉料选择唔多。仲有日式放题刺身嘅种类好少，只得五至六款，而且刺身嘅味道系非常之淡，咬落仲要有渣，最后佢哋嘅饮品除咗有汽水机咖啡机之外，就系清一色四洲集团嘅饮品，雪糕甜品方面都系清一色本地品牌。