倫哥尚品火鍋私房菜 (已結業)

考完试，同班fd去庆祝，我听朋友介绍伦哥好正，所以都想试下好耐。认真，有啲失望。鸡煲个鸡煲系唔错嘅，任选辣度，我哋拣咗唔辣。啲鸡几滑几好味，系好入味个只，绝对属于鸡煲界嘅中上之选。值得一提嘅系，依度嘅鸡煲唔会用嚟打边炉，打边炉个煲会分开上，依点系非常之值得一赞。喺食完鸡煲后，中间有唔同嘅小食，例如鲍鱼，云耳，牛肚丝，炖汤等等，绝无冷场。然之后就系刺身啦。刺身唔可以话系最高级𠮶只，但系唔差。有好多种类，带子同埋虾都几好味。到打边炉啦，已到开始有啲失色。个海鲜拼盘望落去系好靓，但食落去味道好似争咁啲，可能因为之前已经饱饱地唔系咁肚饿。但个生蚝几好味。牛肉都系望落去几靓，但食落去冇乜太特别。总结：每人$356，员工手脚几快，食物多样化，唯恐打边炉各方面失色左。