影片
更多
2020-07-18
1377 浏览
星期六难得休息就去土瓜湾探下亲戚。去左半山壹号商场入面嘅茶楼尚宴21饮茶。先叫烧鸭濑粉。烧鸭有少少臭。濑粉粗幼适中，一d都唔粉，弹牙有口感。除左烧鸭重有菜心，菜心新鲜爽脆冇渣。咸水角好脆，炸得好干身，唔会油淋淋。叉烧肠外层嘅米浆够薄够腍，叉烧份量足，唔会集中晒喺一边，啖啖都食到。烧卖只系$9咋！原来只限星期一至六供应，假日暂停。今日咁啱系星期六，啱啱好赶得切享用呢个优惠，梗系要试下啦！烧卖粒粒都咁大粒，涨鼓鼓。面头有好多粒蟹籽，一咬d蟹籽就喺口腔内爆开，为烧卖添上口感。猪肉唔会有冰鲜解冻后嘅异味。药膳鸡脚一上枱——超香呀！有淮山、杞子同红枣，好足料，超补身！淮山切得好薄，口感爽。鸡脚够肥，几多肉，有四只咁多！好多骨胶原呀！药膳汤可以饮埋，药膳味甘唔会苦。如果要挑剔嘅话，我嫌药膳味唔够浓，浓d会更入味！呢间茶楼够大，坐得几舒服。重有电视睇！部电视重大大部，坐得远d 都睇到。可以边叹茶边睇电视，一乐也～
先叫烧鸭濑粉。烧鸭有少少臭。濑粉粗幼适中，一d都唔粉，弹牙有口感。除左烧鸭重有菜心，菜心新鲜爽脆冇渣。
咸水角好脆，炸得好干身，唔会油淋淋。
叉烧肠外层嘅米浆够薄够腍，叉烧份量足，唔会集中晒喺一边，啖啖都食到。
烧卖只系$9咋！原来只限星期一至六供应，假日暂停。今日咁啱系星期六，啱啱好赶得切享用呢个优惠，梗系要试下啦！烧卖粒粒都咁大粒，涨鼓鼓。面头有好多粒蟹籽，一咬d蟹籽就喺口腔内爆开，为烧卖添上口感。猪肉唔会有冰鲜解冻后嘅异味。
药膳鸡脚一上枱——超香呀！有淮山、杞子同红枣，好足料，超补身！
淮山切得好薄，口感爽。鸡脚够肥，几多肉，有四只咁多！好多骨胶原呀！药膳汤可以饮埋，药膳味甘唔会苦。如果要挑剔嘅话，我嫌药膳味唔够浓，浓d会更入味！
呢间茶楼够大，坐得几舒服。重有电视睇！部电视重大大部，坐得远d 都睇到。可以边叹茶边睇电视，一乐也～
张贴
