鉄板200 (已結業)

食物水准相当一般，但价钱唔平，如不是因为在芸芸New Town Plaza的食肆当中佢有得订位都唔会择佢。预期中失望。环境: 大路日式餐厅格局，但都几嘈，半开放式厨房，d木椅坐得好唔舒服，靠背去到一半，又细长，可能唔想客人坐太耐，不过d位咁唔舒服的日本餐厅都系第一次。食物: 如果唔系叫咗套餐都几贵，一句到尾，无样好食，无野推介，炒饭难食。话明鐡板，居然d鐡板牛粒唔热，只系暖，味道好一般。吉烈猪扒乌冬就真系如其名，只有一块炸得好似大家乐样，出油的猪扒(外层只有好薄的吉烈皮)同乌冬，而d乌冬同系超市买到的即食乌冬质素一样，但卖几十蚊，物非所值。连好大路的伴碟配菜同沙律浆都无，真系食水好深，"lam"到尽。甜虾唔新鲜，d肉"梅"。服务: 好唔够人，只系做到极其量的上菜同埋单，连落单同加茶都要把握机会捉住个待应。服务态度一般。