京饌 (已結業)

同老公去APM行街，谂住食埋晚饭先回家，就随意在APM揾地方落脚，原来APM有上海菜食咪试下啰！呢间餐厅入面都算大，而且坐得舒服，枱与枱之间唔会好迫，环境好有上海怀旧风味，叫了几款𩠌，因为唔系好大碟，每碟份量唔系好多，一定食得晒！首先，普洱茶，只有茶色，无茶味。蟹粉海鲜石锅饭因为石锅嘅关系，上枱都仲好热，味道都算几浓郁，好似蟹粉捞饭咁，不过唔会好腻，个饭偏湿，口感争少少，食到底就有小小偏油。镇江排骨望落好深色，闻落好重醋味，细细粒，食到好多碎骨，咁既size我唔觉得好食啰！总结：食物质数唔可以讲难食, 但唔系好食。餐厅装潢比较优雅，坐得舒服，虽然价钱偏贵，间唔中可以一试。