金雋鍋貼大王 (已結業)

今日再拣锅贴专门店，而依间都系连锁式既餐厅，面系属于上海面一类，到步立即有位，我望一望餐牌点左个双拼面餐（韮菜饺+鸡翼）  不得不提，依家夏日炎炎，一入店内，冷气充足，需然枱面较细，但系留到好多空间系店内，总算舒适。  三分钟后食品上到枱上，第一样系豆浆  相信佢地既豆浆系自家制，额外有一份香味，而且跟餐既份量一样好大杯，消暑，满足  随住豆浆，紧接而黎系佢地最出名既即煎锅贴  锅贴皮厚，肉小，煎得唔香口，肉汁都无咩，如果唔加豆瓣酱或醋，根本上无味可言  之后店员上左份炸鸡翼比我，因为炸鸡翼放落汤一齐上枱一定淰晒唔好食，依种上餐方式都几贴心，之后韮菜水饺面都上到枱。    生炸既鸡翼口落外脆内软，非常好食，可惜系水饺面，水饺内韮菜超多，肉超小，只系食到韮菜味，而且食完一只后，其余两只已经系汤内解体，最可怕既系个汤，淡如清水，我加左鼓油，胡椒粉，醋，都系好淡，汤系依餐可以系可有可无既野。  今餐食物质素一般完全无特别，依间餐厅服务质素差，特别系收银，唔出声扮哑都唔紧要，黑口黑面对住d客人就真系有d那过，不过有样抵赞既系'抵食'，绝对超饱肚，40蚊唔洗，2只锅贴，2只鸡翼，3只水饺，一碗面