影片
更多
2017-07-26
1064 浏览
喺facebook见到𠵱间酒店做紧七月Promotion，晚市buffet有大拿拿六折，好似好抵，尤其是系俾11款Mövenpick雪糕吸引咗，就即刻订咗位，当系黎同朋友食生日饭。但系今餐真系食到我哋把口冇停过，原因唔系因为有几好食，系因为顾住讨论点解食物质素会咁令人惊讶，几乎全场冇一样野系好食。老实讲，其实都几难做到。以下只略略讲吓俾佢地吓到一大跳嘅菜式。青红萝卜猪骨汤：好大浸好假嘅甜味，同用代糖嘅Zero 可乐有异曲同工之妙。即煮意粉：完全冇味，明明见住厨师落咗一大匙白酱，但只见其身，不尝其味。朋友话好似食紧无负担嘅儿童餐。牛肉／羊肉：同样咬唔开，捞埋一齐可以整香口胶，横掂牛同羊都冇咩味，唔洗分得咁细。海鲜饭／咖哩饭：好假嘅甜味老是常出现，Mei埋眼完全分唔到边个饭打边个饭。面包布甸／梳乎厘：甜到食唔到，每一啖都好似食一茶匙糖落口。今日中咗嘅伏真系多到不能尽录，唯一安慰到我哋嘅只有Mövenpick雪糕，我哋唯有怒食雪糕。不过雪糕又唔系酒店厨师自己整，所以想揾个位赞下都真系唔好意思。虽然350左右嘅价值唔系贵，但系用依个价钱，食客绝对可以食到好多其他令人感动愉悦嘅食物。唔知道厨师会
以下只略略讲吓俾佢地吓到一大跳嘅菜式。
青红萝卜猪骨汤：好大浸好假嘅甜味，同用代糖嘅Zero 可乐有异曲同工之妙。
即煮意粉：完全冇味，明明见住厨师落咗一大匙白酱，但只见其身，不尝其味。朋友话好似食紧无负担嘅儿童餐。
牛肉／羊肉：同样咬唔开，捞埋一齐可以整香口胶，横掂牛同羊都冇咩味，唔洗分得咁细。
海鲜饭／咖哩饭：好假嘅甜味老是常出现，Mei埋眼完全分唔到边个饭打边个饭。
面包布甸／梳乎厘：甜到食唔到，每一啖都好似食一茶匙糖落口。
今日中咗嘅伏真系多到不能尽录，唯一安慰到我哋嘅只有Mövenpick雪糕，我哋唯有怒食雪糕。不过雪糕又唔系酒店厨师自己整，所以想揾个位赞下都真系唔好意思。虽然350左右嘅价值唔系贵，但系用依个价钱，食客绝对可以食到好多其他令人感动愉悦嘅食物。唔知道厨师会唔会食番自己整嘅嘢食？如果唔会，真系诚意邀请你哋自己试下。我相信你哋试过嘅话，依啲食物应该唔会再出现喺餐厅个盘上面。
张贴