八月居 (海港城) (已結業)

因为有朋友优惠券，所以就去八月居到食饭。呢到既环境都唔错，我地就点左以下既食物:安格斯牛肉炒菜远份量其实唔算多，都预左。牛肉肉味浓郁，食落去唔会觉得好似系到咬紧橡皮胶咁，菜芯都炒到岩岩好，吸收左牛肉既味道。洛神花黑豚肉黑豚肉炸得岩岩好，肉汁锁住哂系入面，但可惜我地个碟太多硬既软骨，唔多肉。再加埋洛神花酱，酸酸甜甜既滋味好易下饭。不过个洛神花酱太过结身，如果稀番小小就会比较好。香酥鸭唔知系咪抱有太大既期望，一上碟既摆盘已经觉得好奇怪，份量真系唔算多，食落去觉得好干，食落去鸭肉既味道唔算太突出，再加上鸭肉斩件已经好散，所以觉得好失望。