翠河餐廳 (已結業)

Boxing Day 早上出街揾早餐食，大家乐好多人，唯有过对面翠河踫踫运气，哈竟然好容易就攞到卡位👍🏼，佢D早餐都算全面算选择多，价钱唔贵，但无论侍应态度、食物质素、饮品水准，都可以好飘忽，所以我今次嘅评分只系针对今次光顾而定🤣我今日叫左常叫嘅A餐，煎双蛋香蒜多士配火腿通粉，双蛋无穿黄，多士唔干，碗腿通比平时大碗，味道适中，后叫餐饮热咖啡多奶，今次好饮返㖞，前排有D涩喉及淡口；埋单时有D窝心，俾单收银姐姐，佢一句亲切又自然嘅”走啦？！⋯⋯多谢！”，令我个心暖左下。