影片
更多
2023-11-29
1882 浏览
呢间小店离深水埗、长沙湾嘅主要街道都有段小距离，今次都系朋友带路先去到果头。听讲平时都要排队，不过今次好好彩，平日午餐时段去唔驶等位。餐厅位置唔多，全部都系Bar枱形式围住厨房坐，食客食完都好快离开，所以见到要等位都唔驶太担心～Menu十分简单，有虾汁味噌、酱油、蕃茄沾面同生蚝拉面4种选择，今次就试左虾汁味酱油沾面。虾汁温度都够，唔会出现一浸左两啖面就成兜汤冻哂嘅情况，虾味浓郁，亦有樱花虾、洋葱、葱花增加香气。面质地中规中矩，挂汤能力合格。叉烧份量够哂多，原只半熟蛋腌得入味同够溏心，紫菜同天妇罗碎另上，钟意食可以付费追加。整道味道都唔错，但食完后都几口渴，除左当场饮左几杯水，之后仲灌多左支茶先OK返，另外价钱要$82-128，虽然同其他沾面店价钱相约，但对比同区食店都偏贵，钟意浓郁虾味嘅大家如果经过见到有位都可以一战～
Menu十分简单，有虾汁味噌、酱油、蕃茄沾面同生蚝拉面4种选择，今次就试左虾汁味酱油沾面。
虾汁温度都够，唔会出现一浸左两啖面就成兜汤冻哂嘅情况，虾味浓郁，亦有樱花虾、洋葱、葱花增加香气。面质地中规中矩，挂汤能力合格。叉烧份量够哂多，原只半熟蛋腌得入味同够溏心，紫菜同天妇罗碎另上，钟意食可以付费追加。
整道味道都唔错，但食完后都几口渴，除左当场饮左几杯水，之后仲灌多左支茶先OK返，另外价钱要$82-128，虽然同其他沾面店价钱相约，但对比同区食店都偏贵，钟意浓郁虾味嘅大家如果经过见到有位都可以一战～
张贴
