Via Tokyo (已結業)

父亲节同老爸食完饭，成家人都未够喉，行咗去隔离街食甜品。呢间 via Tokyo 系日式甜品店，店面有个日本人主理，唔知佢系咪老板呢🤔餐厅口碑唔错，一路都好想帮衬，但成日都好多人，今晚我哋都系碰下运气，竟然有位。打开餐牌，真系好贵呀。。。🤑 餐厅规定每人一定要点一样嘢，我侄仔得六岁，都要计一个人头。。。 老实讲，呢个规定系保障餐厅，但系对有老有嫩嘅客人就有啲压力啰。。。老人家点食成份甜品 (我哋果晚有两个)，小朋友我哋亦都唔想佢自己食晒一碗。。。 不过人哋咁样规定，我哋当然都要尊重，唯有后生嘅食多啲啦。甜品有啲名过于实，唔系期望中咁好味，可能由于价钱嘅关系，畀五十蚊食个雪糕，我觉得质素可以再好啲。顺带一提，餐厅冇水供应，水要畀钱，十八蚊。