MAMTOM

昨晚去用餐，点了三道菜：1. 汤河+牛骨髓(下图) 分数：3.5/52. 炒通菜(下图) 分数：4/53. DIY(下图) 分数：0.5/5汤河及炒通菜都中规中矩对得住价钱而“DIY”贵为餐厅Signature菜色，但设计其差，比客人自己落手包米纸卷，但米纸又硬又脆又易碎，加上配料太大件极难用米纸包妥，结果我同女友每人试咗五次以上，先至成功包好第一个，但一加上汁料准备摆入口，汁料就已经滴出来，大家食咗第一件之后，已经成枱米纸碎同汁料！但咁都唔止！米纸又硬又薄，结果女友进食时被米纸𠝹损咀唇出血，呢吓我真系忍无可忍，叫咗经理埋嚟反映，经理仲同我地讲，米纸接触到口水就会变软，咁就唔会𠝹损，我听完真系火上加火，米纸未放入口又点样接触口水呢？？系会变软就唔会搞到成枱碎啦！！同个经理嘈完一轮，佢终于好似明白咁收走碟DIY，仲话会在张单取消呢碟嘢，我同女友无哂Mood，坐多阵就埋单走！总结：DIY，只适合比相机食，不合人食。