大自然素食

营业中

休息中

大自然素食嘅下午茶其实都算好抵食，就算我唔拣下午茶餐，单点佢Menu入面嘅𩠌菜都可以享有半价优惠今日我地就选择咗要芋蓉猪扒焗饭同埋烧汁杂菌焗牛仔肉，再加3块牛油果法式焗多士。牛油果法式焗多士今日嘅上菜速度比平时慢，大概等左15分钟左右先至有一碟𩠌上枱—牛油果法式焗多士。多士上枱嘅时候仲系好热而且入口好香脆，牛油果酱上面仲有芝士，虽然话芝士系浓味嘅食物，但系就今次并无抢走牛油果嘅香味，唔错芋蓉猪扒焗饭其实呢个芋蓉焗猪扒饭已经唔系第一次食，之前都觉得OK，几好味，但系今次就觉得相当失望。首先碟饭上枱嘅presentation已经好差好似就系嚟左一pat㶶左嘅酱咁。蛋炒饭都仲食到有镬气，但可惜系淡而无味，芋蓉亦都唔够芋头味，好失望还好佢嘅猪扒质素并冇走样，仍然系有真猪扒嘅质感存在，伴碟嘅西兰花亦都够新鲜。烧汁杂菌焗牛仔肉牛仔肉份量少得可怜青红黄椒份量偏多，杂菌相对之下就比较少，我谂呢碟𩠌应该叫做三椒焗牛仔肉比较适合？但系当中嘅笋就为呢碟𩠌抢返唔少分，笋食得出好新鲜，多汁，呢个要赞。讲真要我正价嚟食晚餐嘅话，我会觉得好唔值，如果唔系佢下午茶有半价，我都唔会嚟食嘅。最后仲想讲下铺头嘅通风系统真好