璟瓏軒

营业中

休息中

前几日去故宫博物馆参观，中午贪方便去咗四楼饮茶，餐厅环境服务点心造型一流，但味道九流。午餐两个人嗌咗六样嘢：花旗参汤虾饺，个汤劲多味精。雪茄蟹肉春卷，啲蟹肉唔新鲜，好腥。有鸡先有蛋，其实就系咸水角加芒果布甸，冇乜特别。澳洲和牛生煎包就系生煎包，唐包点水准。茅台时果杏仁燕窝，就系杏仁豆腐拼罐头杂果+2滴白酒，有啲失望。黑松露饺冇黑松露味。我食完成餐饭，发觉最好味嘅竟然系我叫𠮶杯人参乌龙。顺带一提，啲碗碟唔系十分干净。如果只系打卡影相，佢绝对可以满足到你。如果你谂住肚饿食嘢，我建议你去故宫博物馆或周边其他餐厅。