Joō de Rolls (已結業)

因为本身好钟意食Churros，知道The One开左间专食Churros既即刻去食。点知，未食好期待，食左都几失望。晚餐时叫左个All Day Breakfast，上到黎第一时间食左件Churro先，虽然上面冇玉桂粉又冇沙糖，但本身都系外脆内软好好食既，只不过食其他就...个蛋软滑但唔够香，冇味。蕃茄煮得刚好，但系本身唔甜唔紧要，你眼见就得咁多香料，连香味都冇，其实加少少水牛芝士会成个唔同晒，所以又系冇味。烟肉冇问题，到个肠，完全系...平价货既感觉...不提也罢。值得一赞是个占左只碟一半既沙律菜，还算新鲜，而且每一层都淋左适量既芝麻酱，均匀又好味。成碟野，睇得出厨师系用心的，就是食材不怎么样。跟餐有饮品，草莓红茶几香，个雪糕几靓，但草莓Churro同绿茶雪糕唔多夹，可能因为我自己唔钟意食绿茶挂。埋单加埋一$130，其实唔贵，但整体感觉麻麻地，只为食Churros先好去食。