嘉樂冰廳 (新村街)

营业中

休息中

中学时代同同学帮衬过，有排听闻会结业都想约朋友再食，点知一拖就拖到开返业都未食过。最后带咗其他人试下，顺便重温冰厅味道。不过今次其实有点失望，虽然有份量够大呢个噱头，但味道似乎逊色不少。-火腿小奄列一如既往好足料，鸡蛋系厚身，火腿丝份量都好满。但唔知点解带唔出食物香味，鸡蛋口感较老，唔够滑嫩，火腿亦唔够咸香。-鲜牛蛋三文治（烘底）鸡蛋都系厚身，但味道唔够香。三文治如果可以搽多少少牛油会更香。咸牛肉嘅咸度适中，但稍嫌同鸡蛋个比例唔平衡。-凤凰奶糊同行个位贪得意见到有食评讲凤凰奶糊，佢又心思思想试就叫咗，但我只系试咗少少。唔知点解呢碗野要等好耐，虽然我地唔太赶，但由于太耐惊漏单都催咗几次。份量好大，完全唔系普通中式糖水份量，个碗同食粉面个啲差唔多。佢中间有只生蛋黄，捞埋一齐食个有啲怪，口感似无乜糖嘅吉士，淡而稠身。话要试个位都系食咗少少就食唔落，因为好容易腻同令人饱滞。