北京老家 (已結業)

散叫，非套餐。嚟得食京菜，主角当然系只北京填鸭。只鸭上枱时经肢解咗，佢话有一只，我点数都算唔出系一只鸭，不过算。啲皮睇到系干嘅，反转见到啲肉，令我想起已经仙游咗嫲嫲𠮶双干燥嘅脚板底！同鸭一齐上枱仲有配菜青瓜同葱丝，啲青瓜个外貌又系干到都感受到旧青瓜喺三日前被去皮切条，然后遗忘喺冷宫（冷柜先真）。是日仲叫咗酸辣汤、小笼包、鱼皮冷盘、素鹅、上汤津白、荠菜炒年糕、拔丝苹果、高力豆沙，以上除咗酸辣汤、小笼包、年糕同苹果可以外，其他都哗一声咁失望。