影片
更多
2021-05-09
1482 浏览
庆祝母亲节梗系一齐围炉最好↑舖头虽然唔系好近市中心, 但行过去都好方便, 正对住成业街, 一条大直路就到倒. 店内面积非常大, 平常仲有做早午晚市添↑打得边炉, 实有酱料区, 虽然款式唔多, 但常用都系晒度↑走廊尽头就系任拎既罐装饮品同蔗汁, 重点推介系荔枝乌龙茶同黑糖姜母茶, 怕甜既, 可以试下韩式乌龙茶或者龙井茶, 不过我就觉得无乜茶味喇. 哩个位置仲有1间厢房, 如果想有私人空间既话, 不妨预订.↑叫餐系以每人计算, 以我为例有4人, 留意剔选左既配料, 系会乘4份咁上既, 所以饱肚野就唔建议叫, 除非你系好食得啦↑首先前菜已经有泡椒鸡脚同拍青瓜, 仲有每人1盅炖汤同2只蒜蓉泰酱焗青口, 不过个青口就比个泰式鸡酱盖过左D味, 泡椒鸡脚就咸左少少. 重点系2选1既鲍鱼, 新鲜鲍鱼平时都食开, 但冰镇饱鱼, 唔系每间餐厅都会有提供, 餐厅好窝心地帮你起埋出黎, 仲有叉提供一拮就食倒, 冰镇之上令鲍鱼更加弹口.↑因为个餐包含既野实在太多, 所以餐厅会安排车仔摆住D边炉配料先, 等你食完前菜就可以清左张枱, 每样慢慢食.随个人喜好叫左8款配料, 推介既系云吞, 标榜系自家制既, 真系好食
↑舖头虽然唔系好近市中心, 但行过去都好方便, 正对住成业街, 一条大直路就到倒. 店内面积非常大, 平常仲有做早午晚市添
↑打得边炉, 实有酱料区, 虽然款式唔多, 但常用都系晒度
↑走廊尽头就系任拎既罐装饮品同蔗汁, 重点推介系荔枝乌龙茶同黑糖姜母茶, 怕甜既, 可以试下韩式乌龙茶或者龙井茶, 不过我就觉得无乜茶味喇. 哩个位置仲有1间厢房, 如果想有私人空间既话, 不妨预订.
↑叫餐系以每人计算, 以我为例有4人, 留意剔选左既配料, 系会乘4份咁上既, 所以饱肚野就唔建议叫, 除非你系好食得啦
↑首先前菜已经有泡椒鸡脚同拍青瓜, 仲有每人1盅炖汤同2只蒜蓉泰酱焗青口, 不过个青口就比个泰式鸡酱盖过左D味, 泡椒鸡脚就咸左少少. 重点系2选1既鲍鱼, 新鲜鲍鱼平时都食开, 但冰镇饱鱼, 唔系每间餐厅都会有提供, 餐厅好窝心地帮你起埋出黎, 仲有叉提供一拮就食倒, 冰镇之上令鲍鱼更加弹口.
↑因为个餐包含既野实在太多, 所以餐厅会安排车仔摆住D边炉配料先, 等你食完前菜就可以清左张枱, 每样慢慢食.
随个人喜好叫左8款配料, 推介既系云吞, 标榜系自家制既, 真系好食过大部份粉面舖自制既, 韮菜饺都OK, 不过个皮就厚左少少, 如果用黎煎, 应该更适合. 墨鱼滑非常重墨鱼味, 从来无食过咁浓烈既味道, 值得一试. 牛肉就普普通通, 虽然有安格斯牛肩肉同美国肥牛既分别, 但相差不大. 不过...
↑重点系海鲜丫嘛, 上菜时店员会逐款海鲜讲解煮几多秒/分钟. 龙虾真系新鲜到呢, 中间斩开左一半, 都仲系个碟上面郁, 再者放落粥水锅既时候, 居然仲会挣扎, 要用个夹噤住几秒先唔再郁, 虽然系有D残忍, 但无办法啦. 套餐每人可以有半只龙虾, 大到连个碟都装唔晒, 本身餐厅系有供应澳洲龙虾既, 但当日货源就无晒, 所以订位前, 最好预先问下, 不过哩款龙虾都足够鲜甜弹牙, 如果系澳洲龙虾, 可能更不得了. 排名第2鲜甜既系蛏子王, 平时街市买, 都偏贵, 所以咁多款, 都算值回票价.
↑食到尾声, 店员会比碗近乎饭质既粥你, 连埋碗粟米、南瓜同芋头, 一齐倒落去淆粥, 将全部精华一镬熟, 虽然已经饱左九成, 但点都要试一试个味道既, 汤底甜得黎有阵蚬味, 同埋龙虾既膏落晒系个粥入面, 最终都系食得晒.不过有部份野都系食唔晒既, 餐厅非常好, 支持食客打包食唔晒既野走. 不过要留意既系, 餐厅无酒牌, 但可以比你自携外带入内.
张贴
